Nikwe ja tare bämikadre ni mräkätre ie

Nitre ja mräkäre ta ja tarere ye köböire raba nüne keteitibe. Akwa nitre ja mräkäre ñaka ja tarere ngwane ñaka raba nüne keteitibe aune sribire gwairebe. ¿Nitre brare gure, merire gure aune nitre rüne raba ja tare bämike ño mräkätre kwe ie?

Ni brare gure tä muko kwe tarere ngwane muko kwe ta dre ribere jai, töita ño aune kukwe tuin ño ie ye ta mike ütiäte jai (Ef 5:28, 29). Yebätä mräkätre kwetre tä dre ribere jai kukwe ja üairebiti aune ja ngätärebiti ye ja di ngwain kwe biankäre ietre, ñodre Ngöbö mika täte ni mräkäbe ye nuaindi kwe (1Ti 5:8). Meri gure töi kwin ye tä muko kwe kukwei mike täte aune tä “mike ütiäte jai” (Ef 5:22, 33; 1Pe 3:1-6). Ni brare gure aune meri gure tädre juto biarebe ngite juankäre ta jabiti kwärikwäri (Ef 4:32). Nitre rüne tä monsotre tarere ngwane tä monsotre itire itire ye ngübare aune tä dimike Jehová tarere (Dt 6:6, 7; Ef 6:4). ¿Kukwe meden ben monsotre munkwe tä ja tuin kwelate? ¿Monsotre mada tä töi mike kukwe käme nuainne yebe ja tuata ño kwe? Nitre ja mräkäre itire itire käkwe ja taredi ngwane ja rabai ruin kwin ietre.

VIDEO JA TARE ÑAKA NEKÄ YE NIKWE BÄMIKADRE NI MRÄKÄTRE IE YE MÄKWE TUA, BITI KUKWE NGWANTARITA NE MÄKWE MIKA GARE:

• 

  ¿Ni brare gure tä muko kwe ngübare ño aune tarere ño?

• 

  Meri gure tä muko kwe mike ütiäte jai, ¿ye tä bämike ño?

• 

  ¿Nitre rüne tä kukwe Ngöbökwe driere ño monsotre kwe ie?