KUKWE ÜTIÄTE BIBLIABÄTÄ

Nikwe nändre Jehová jiebiti ja brukwä tätebiti

Caleb nänbare Jehová jiebiti ja brukwä tätebiti nämäne bati yete ja käne (Jos 14:7, 8).

Caleb namanina umbre ngwane, dre ribebare Jehovakwe ie yebätä Jehovakwe dimikai ye ie nämäne tö ngwen kwatibe (Jos 14:10-12; w04-S 1/12 12 párr. 2).

Caleb Jehová mikani täte ja brukwä ngöibiti yebätä jondron kwin namani kwe (Jos 14:13, 14; w06-S 1/10 18 párr. 11).

Meri testiko ja ngwanka metre niena umbre yebätä tä ja tuin bren keta kabre ben ye üai tä mikani. 1. Niara tä ja ketaninte mökänbätä täkäkäre tibien aune orakäre. 2. Tä kukwe driere nitre jökrä ngwärekri meri testiko bati ben. 3. Niarakwe ja üai dianinkä ye tä ngwäte kwe ye tä mike tuare monsotre kia nibu konkrekasionte ie. 4. Niara tä tö ngwen kwatibe yebätä käta kötare ngwärebätä.

Kukwe biani nuaindre Jehovakwe ye Caleb nämäne mike täte aune Jehová nämäne kukwe kwin mike nemen bare ye nämäne tuin ie ngwane, tödeka kwe nämäne nemen bäri dite. Jehová tä orasion nikwe kukwe nuin aune tä ni jie ngwen tä tuin nie ngwane, ni töta nemen niara mikabätä täte jankunu (1Jn 5:14, 15).