¿Meritre testiko raba dre nuainne sribikäre bäri?

Meritre testiko tä sribire krubäte Gobran Ngöbökwe kräke (Sl 68:11). Nitre tötikata Bibliabätä ye kwati meritre tä tötike aune nitre prekursor ye ngätäite meritre kwati krubäte tä. Meritre testiko tä sribire jume Betelte, sribi misionero erere, tätre sribire ja töi jeñebiti o köbö täte ju sribebätä o kukwe kwitabätä. Aune meritre testiko ünä kukwe ja üairebiti tä mräkätre kwetre aune konkrekasion dimike krubäte (Pr 14:1). Meritre ñan raba nemen ni ji ngwanka konkrekasionte o siervo ministerial, akwa raba kukwe mada mike nuaindre jai. Aisete meritre testiko, ¿mä raba dre mada nuainne Jehová kräke?

• Ja töi mike keta kabre kwin ni kristiano erere (1Ti 3:11; 1Pe 3:3-6).

• Meritre testiko mada ie kukwe ñaka gare krubäte ye mun raba dimike (Tit 2:3-5).

• Kukwe driere bäri aune kwin.

• Ja kite blite kukwe madabiti.

• Nitre ribeta kukwe driekäre bäri yekänti mä rikadre kukwe driere.

• Solicitud sribikäre Betelte o sribikäre ju sribebätä ye mä raba kärere jakrä.

• Solicitud Kwela Nitre Gobran Ngöbökwe Kukwei Driekä kräke ye mä kärere jakrä.

VIDEO ‘MERITRE TÄ SRIBIRE KRI NI DÄNKIEN KRÄKE’ YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Meritre testiko ne käkwe mä dimiri ño?