NITA JA NGWEN ÑO
¿Samuel nünanbare ño yebätä dre nemen gare nie?
Käre Samuelkwe Jehová mikani täte metre. Nämäne chi ngwane ja töi mikani kwe ñaka ja ngwen Hofní aune Finehás, Elí monsoitre ye erere, niaratre ye nämäne ja ngwen käme krubäte (1Sa 2:22-26). Samuel jatani nirien aune Jehová nämäne dimike jankunu (1Sa 3:19). Niara namani umbre aune monsotre kwe ñaka ja ngwani niara erere, akwa niarakwe Jehová kukwe mikani täte jankunu (1Sa 8:1-5).
¿Samuel ja ngwani ño yebätä dre nemen gare nie? Monsotre bati tä ja tuin kukwe meden ben aune ja ruin ño ietre ye nüke gare kwin Jehovai ye rabadre gare metre monsotre bati ie. Niarakwe dimikai ja ngwen dite (Is 41:10, 13). Samuel monsoitre namanina ünä akwa ñan namani dre kräke monsotre kwe töi mikakäre Jehová kukwei mike täte, ye raba nitre rüne kän monsotre tä kä mikekä Jehovabätä ye töi mike jäme. Samuel käkwe kukwe ye mikani Jehová kisete, ja ngwani metre jankunu kwe Jehovai aune ka mikani juto kwe rün kä kwinbiti yebätä. Nitre rüne tä kukwe kwin bämike ye köböire monso kwe raba kiteta Jehová kokwäre raba ruen nie.
VIDEO NIKWE JA KITADRE NIARATREBÄTÄ: SAMUEL YE MÄKWE TUA, BITI MÄKWE KUKWE NGWANTARITA NE MIKA GARE:
¿Samuel nämäne chi ngwane nämäne ja ngwen dite ye bämikani ño kwe?
¿Danny nämäne ja ngwen dite ye bämikani ño kwe?
¿Samuel namanina umbre ngwane kukwe kwin meden bämikani kwe?
Nire tä kukwe metre nuainne jankunu ye Jehovata dimike
¿Danny rün aune meye käkwe kukwe kwin meden bämikani?