¿Kukweta nüke käne mä töite ye erere mätä nuainne?

Davidkwe töbikabare kwin jondron käräkäre akwa Nabalkwe ñäkäbare tare ie (1Sa 25:7-11; ia kap. 9 párr. 10-12).

David ja töi mikani nitre brare Nabal gwirete ye kämike (1Sa 25:13, 21, 22).

Abigailkwe David ketaninbätä ne kwe ñaka nitre däri iandrete kwe (1Sa 25:25, 26, 32, 33; ia kap. 9 párr. 18).

KUKWE NE NGWENTARI JAI: “Tita nemen rubun, tita niken jondron kökö aune tita nemen di nekä ngwane, ¿kukwe meden nüke käne ti töite ye ererebätä tita kukwe nuainne? ¿O ye köböite kukwe meden raba nemen bare yebätä tita nemen töbiketa ken?” (Pr 15:28; 22:3).