KUKWE ÜTIÄTE BIBLIABÄTÄ

¿Mätä kukwe ñaka nuäre nuainne Jehová kräke?

Kä Araunakwe yekänti David rabadre altar sribere jondron kukwara niebare ie (2Sa 24:18).

Arauna ja ngwani mantiame yebätä tö namani kä aune jondron nire biain ie kukwakäre (2Sa 24:21-23).

Davidkwe ñaka ja di ngwani jondron känänkäre ye niara ñaka tö namani biain kukwara (2Sa 24:24, 25; it-1-S 174).

Kukwe keta kabre ñaka nuäre ni raba nuainne Jehová kräke ye üai mikata tuare. 1. Ja mräkätre aune ja ngwaitre tä sribire Ju Ja Ükarakrö sribebätä. 2. Meri testiko niena umbre tä ngwian kite caja ngwian biankäre yete. 3. Nitre ja mäkäninte tä kukwe driere ji ngrabare karito yebiti. 4. Ja mräkätre aune ja etebatre ruäre tä sribire labores de socorro yebätä.

Nita ja töi bökänbiti jondron bien, kä denkä jai aune ja di yebiti kukwe nuainne Gobran Ngöbökwe dimikakäre ye ngwane, käita nemen juto Jehovabätä (w12 15/1 18 párr. 8). ¿Mä raba kukwe meden mike nuaindre jai ne kwe ‘jändrän bianta Ngöbö käikitakakäre’ ye mäkwe nuaindre bäri? (Heb 13:15).