KUKWE ÜTIÄTE BIBLIABÄTÄ

Nirebe mä ja mäkäite yebätä mäkwe töbika kwin

Salomonkwe ja mäkäninte meritre ngöbö ngwarbe mikaka täte ben yebiti ñaka ja ngwani töbätä kwe bämikani kwe (1Re 11:1, 2; w18.07 18 párr. 7).

Bätärekä bätärekä Salomón jatani ngöbö ngwarbe mike täte meritre ye köböite (1Re 11:3-6; w19.01 15 párr. 6).

Jehová namani rubun Salomón kräke (1Re 11:9, 10; w18.07 19 párr. 9).

Meri testiko iti kaibe tä ja tötike Bibliabätä aune tä töbike ja mräkä testiko kaibe yebätä ye üai mikata. 1. Ja mräkä ye tä blite gätäte konkrekasionte. 2. Ja mräkä ye tä kukwe driere nitre kwati ngwärekri. 3. Ja mräkä ye tä Ju Ja Ükarakrö ye ükete.

Nire jämi ja mike gure ye rabadre ja mäkete “ni tödekaka Jesubiti aibe ben” mikata gare Bibliakwe (1Co 7:39). Akwa ni iti ja ngökani ñöte ye ñan aibätä rabai mä muko kwin. Ngwentari jai: “¿Ni ye käkwe ti dimikai Jehová mike täte ja brukwä tätebiti? ¿Kä kwati te Jehová tare kwe ye bämikata kwe?”. Mä jämi ja mäkete ye känenkri mä kä dianka jai ni ye mikakäre gare kwin jai.