NITA JA NGWEN ÑO
Kukwe tare ben nita ja tuin ye ngwane Jehová tä ni dimike kä ngwen nüke jai
Kä mrä ne ngwane ni jökrä tä ja tuin kukwe tare ben. Aune ruäre ngwane kä ñan rükadi nie ja tuakäre kukwe tare ye ben tä nemen ruin nie. Akwa nikwe Jehová känäin ja dimikakäre ngwane, kukwe tare ben nita ja tuin ye ben ni di raba nüke jabätä ja tuakäre ben (Is 43:2, 4). Mätä ja tuin kukwe tare ben ngwane, ¿dre raba mä dimike krötö bäri Ngöbö ken?
Orasion. Mäkwe ja driei orasionte Jehovai ngwane, niara raba kä jäme aune ja di kwe ye bien mäi ja tuakäre kukwe tare ye ben (Flp 4:6, 7; 1Te 5:17).
Gätäte. Mrö ja üaire aune ja mräkätre käkwe ni dimikadre gätäte ye nita ribere bäri jai kä nengwane (Heb 10:24, 25). Ja ükadrete gätä kräke, ni rikadre gätäbätä aune blitadre gätäte ye ngwane nita üai deme tuenmetre kukwe kwin mike nemen bare jabätä (Ap 2:29).
Kukwe driedre. Nikwe ja di ngwain käre kukwe driere ngwane, rabai bäri nuäre ni kräke ja töi mikakäre kwatibe kukwe kwin yebätä. Ne madakäre, nita nemen ja kete bäri Jehová aune ja mräkätre ben ñobätä ñan aune nita sribire gwairebe niaratre ben yebätä (1Co 3:5-10).
VIDEO JEHOVÁ ARA MÄ NGÜBAI YE MÄKWE TUA, BITI KUKWE NGWANTARITA NE MÄKWE MIKA GARE:
¿Dre käkwe Malu dimikani rabakäre käre Jehová ken?
¿Salmo 34:18 käkwe Malu töi mikani jäme ye erere raba ni dimike ño?
Nita ja tuin kukwe tare ben ngwane “Ngöbö di kri bä nuäre” ye bianta kwe nie, ¿ye nemen gare ño nie kukwe namani bare Malubätä yebiti? (2Co 4:7)