NITA JA NGWEN ÑO
Mä mika kötaidre jai ngwane, mäkwe ja di kärä Jehovai
Nitre tä mä mike kötaidre jai ye raba mä ngwen ja tare nike. Nitre tä ja mike ni rüere ye raba nita ja kete Jehovabe ye juen ngwarbe arato. ¿Mä raba ja kriemike ño nitre tä mä mike kötaidre jai yebätä?
Nitre kwati kötaita ye tä kä ngwen nüke jai ñobätä ñan aune tätre Jehová känene (Sl 18:17). Ñodre Hamán ni töi käme nämäne juta Ngöbökwe rätekä ye mikakäre gare, Ester ñaka kä jürä ngwani jabätä (Est 7:1-6). Ye känenkri ayunabare kwe nämäne tö ngwen Jehovai bämikakäre (Est 4:14-16). Jehovakwe niara aune juta kwe ye kriemikani. Ne madakäre niara ñan namaninbe kwekebe yebätä Jehovakwe kukwe kwin mikani nemen bare kräke.
Mä mikata kötaikrä jai o mä mikata tuin ngwarbe jai ngwane, mäkwe ja di kärä Jehovai Ester nuainbare erere. Mäkwe ja drie ni niena ünä kukwe ja üairebiti ie ñodre mä raba ja driere mä rün o mä meye ie. Jehovakwe Ester dimikani ye erere mä dimikai kwe ye ie mäkwe tö ngwan kwatibe. ¿Mä mikata kötaikrä jai ngwane mä raba dre mada nuainne?
VIDEO MATA BATI NGWANE: ¿MÄ MIKATA KÖTAIKRÄ JAI NGWANE MÄ RABA DRE NUAINNE? YE MÄKWE TUA, BITI KUKWE NGWANTARITA NE MÄKWE MIKA GARE:
¿Charlie aune Ferin yebätä dre raba nemen gare nitre bati ie?
¿Dre raba nemen gare nitre rüne ie video nebätä?