NITA JANGWEN ÑO
Nitre rüne munkwe monso munkwe dimika kä mike juto Jehovabätä
Monsotre bati ye jondron ütiäte krubäte ye kwrere Jehová kräke. Tä nirien ja üairebiti aune tä kä ngwen nüke jai ye tuin ie (1Sa 2:26; Lu 2:52). Ne madakäre monsotre kia tä ja ngwen kwin ngwane tä kä mike juto Jehovabätä arato (Pr 27:11). Juta Jehovakwe ye köböire, tä kukwe keta kabre bien nitre rüne ie monsotre dimikakäre, tarekäre aune mikakäre täte.
VIDEO MONSOTRE TÄ JA DI NGWEN JANKUNU, ¡YE KÄITA NEMEN JUTO JEHOVABÄTÄ! YE MÄKWE TUA, BITI KUKWE NGWANTARITA NE MÄKWE MIKA GARE:
¿Mekerabe nükebe nengwane Jehovata monsotre dimike ño aune tä mäträre ño bätätre?
¿Dre tärä nitre rüne kräke monsotre kwe ye dimikakäre?
Monso bati, ¿kukwe keta kabre Jehová tä bien mäi mä dimikakäre ye meden käkwe mä dimikanina bäri aune ñobätä mä dimikanina kwe?