Kukwe ne nuain raba jw.org yebiti
Kukwe nämäne página kena ye raba kwenta ño nie
Kukwe tä mikani página kena jw.org yete ye ja mräkätre kwati ie tuin kwin kukwe driekäre. Nuäre juankäre nitre mada ie aune kukwe tä nemen bare kä nengwane ye tä profecía ruäre mike nemen bare ye mikata garebätä. Ja mräkä iti käkwe niebare: “Kukwe mikata gare ye kwin krubäte kukwe driekäre, nita kukwe driere nengwane ye kräke”.
Página kena yete käre kukwe mrä mrä mikata, kukwe mikata gare mrä akwa ñan niena página kena yete ye känänkäre, ¿dre nuaindre?
Mäta página kena jw.org yete ngwane, “Mada tuadre” nieta kuini yete mäkwe kise nita. Dispositivos yete kukwe ne tä nemen tibieni seccion “recomendados” nieta yekänti.Enlace ne näin mä ngwena “Artículo mikani mrä página kena” yete yekänti. Artículo mrä mrä ye kwain mäi yete
Jw.org o JW Library® känti “Biblioteca” biti “Catálogo de artículos” nieta yekänti mä rika. Mräkäre “Kukwe mada” nieta yebiti mäkwe clic mika. Yete kukwe keta kabre mrä mrä mikani página kena yete ye kwain mäi.