Jesukwe ja nire biani ye köböire kukwe kwin raba nemen mäkwe
Nitre testiko Jehovakwe aune nitre kwati nübaita ye tä ja ükökrö batibe kä kwatire kwatire te kä jökräbiti tibien Conmemoración Jesukwe ye ngwankäre törö jai, Jesukwe nuain mananbare ye erere (Lucas 22:19). Jesukwe ja nire biani ni kä tibienbätä kräke ye ütiäte tä nemen gare nie kukwe nuainta yebiti. Jesukwe ja nire biani ni ütiäre ye köböire kukwe meden raba nemen nikwe matare aune ja känenkäre ye tä nemen gare nie arato (Juan 3:16).
Mä janamane Conmemoraciobätä o ñakare, akwa Jesús murie ketani köböire kukwe kwin rabadre mäkwe yekäre, ¿mäkwe dre nuaindre? Nikwe ketebu ütiäte nuaindre niebare Jesukwe.
1. Ja kitadre Ngöböbätä aune Jesubätä. Jesukwe orabare Rün kwe kä kwinbiti ie ngwane, Jesukwe niebare: “Ja nire kärekäre ye abokän ne gärätä: mä rabadre gare ietre, mä aibe Ngöbö metre aune ni juani mäkwe, Jesukristo ye rabadre gare ietre” (Juan 17:3).
2. Kukwe nemen gare nie ye nikwe mikadre täte. Jesukwe dre driebare ye ni jökrä mikadre täte ye niebare kwe. Ñodre, nire tä niara kukwe nuen aune “erere tä nuene” ye ie kwin niebare kwe, kukwe kädriebare ngudrebiti kwe ye ngwane (Lucas 6:46-48). Ye erere köbö madabiti kukwe ne niebare kwe: “Kukwe ne gare munye ngwane, munkwe nuaindi ye köböire kä rabai juto munbätä” (Juan 13:17).
¿Mä tö raba kukwe mada mikai gare jai Ngöböbätä aune Jesubätä? ¿Kukwe tä nemen gare mäi ye mä raba mike täte ño ye mä tö raba gai? Kukwe raba mä dimike kukwe yebätä ye raba kwen mäi nete.
Ni tötikata Bibliabätä
Nunta nitre tötike Bibliabätä ye käkwe ni kwati dimikanina ja tötike Bibliabätä aune mike täte.
Ni tötikata ño Bibliabätä ye mikakäre gare jai mä rika página “Programa ni tötikakäre bibliabätä” yete.
Ja tötikata ño Bibliabätä nitre testiko Jehovakwe ben ye mikakäre gare jai mäkwe video Ja tötika Bibliabätä ne käi ngwen juto jabätä ye mika ñärärä.
Gätä nunkwe
Nitre testiko Jehovakwe tä ja ükekrö bobu bämä kratire kratire Ju Ja Ükarakrö yete.Gätä yete blitata Biblia yebätä aune mikadre ño täte yebätä.
Gätä yekänti ni jökrä raba niken, ñan nitre testiko Jehovakwe aibe. Kukwe meden tä nemen bare mä käite ye ererebätä, mä raba niken gätä yebätä ngwärere o tuen videoconferencia yebiti.
Mä rikai Ju Ja Ükarakrö yete ngwane, dre rabai bare ye raba nemen gare mäi video ¿Gätä nuainta ño nunkwe? yebiti.
Konkrekasion meden tä gätä nuainne mä ken mikakäre gare jai, página “Nitre testiko Jehovakwe tä gätä nuainne yebätä mä raba niken” yete mä rika.
Artículo aune video internete
Video aune artículo keta kabre tä mikani sitio nete abokän tä blite Jesús kukwe driebare yebätä aune ja nire biani kwe ye ñobätä ütiäte yebätä.
Ñodre, ñokänti ni itibe murie ketani köböire nitre kwati dimikata, ye mikakäre gare jai mäkwe ñäkä artículo kädekata “¿Jesús tä ni mike kwäre ño?” aune “¿Ñobätä Jesús ja tare nikani aune murie ketani?” o video ¿Ñobätä Jesús murie ketani? ye mä raba mike ñärärä.