Kukwe tä nemen jabätä gobrantre ie ye tä Profecia Bibliabätä mike nemen bare

Kä nengwane, política ye köböire nitre kwati tä ja ñäkänintibe. Kukwe meden meden tä ükaninte ye tä mate ño nitre bätä köbö kratire kratire te ye ñan tuin ja erebe ietre aune tä töbike ye nieta kwe ngwane, tätre niere röbone. Aune, nitre tä gobrane ye ngätäite, nitre o ni mada kisete sribi ütiäte tä ye tä kukwe o ley ükete ngwane ye tä nementre ja töi mike kwatibe aune ñan töita nemen ja tuametrebätä jie ngwandre ni madai. Kukwe ne erere tä nemen bäre jabätä gobrantre ie ye köböire ñan nemen nüäre kräketre sribidre kwin.

Akwa kukwe tä nemen bare jabätä gobrantre Estados Unidos aune Reino Unido kwe ye abkon ütiäte ni raba niere. ¿Ñobätä ne nieta? Ñobätä ñan aune kukwe tä nemen bäre jabätä gobrantre kwe ye täi juta yete ye Bibliakwe mikani gare aune ye ngwane arato Ngöbökwe Gobran ükaite keteiti ye abkon koboire kukwe ketakabre rabai bare käbiti tibien.

Kukwe tä nemen bäre ja bätä gobrantre ie “kä krüte mrä ye näire”

Tärä Bibliabätä Danielkwe ye käkwe kukwe ketakabre ja känen käre ye mikani gare. Profecia yebätä, Ngöbökwe dre rabai bare “kä krüte mrä ye näire”. Kukwe ne tikani ngwane, nämä blite kukwe rabai ja känen käre, nitre kätibienbätä ye ngätäite yebätä (Daniel 2:28).

Köbö yebiti Profecia ne mikani tuare Ngöbökwe ni gobranka juta Babilonia yei. Köbö yete, reykwe estatua kri krübäte tuani) nuainbare jondron sribikra bätä ngwarbe yebiti. Ye täriö, profeta Danielkwe kukwe ye mikani gare, ñödre jondron bätä ngwarbe biti estatua tä sribebare ye abokan potencias mundiales bätä ngwarbe rükai aune näin tibien.a Akwa, köbö keteiti te, jä kwati käkwe estutua ne täkäi aune nian ngwarbe täte kwe. Jä ye abokan tä gobran keteiti ye bämike, ye abkon Gobran ükaninte Ngöbökwe (Daniel 2:36-45).

Profecia tä mike gare ne erere, Gobran Ngöbökwe ye aibe rabai gobrane gobrantre kätibienbätä ye täte. Gobran ye ara Jesukwe kärä namba Ngöbö ie nitre ja tötikakaka ben ye ie yebätä nieba kwe: “Gobran mäkwe jatadre” (Mateo 6:10).

Akwa ¿profecia meden känti blita kukwe ta nemen jabätä gobrantrekwe yebätä? Estatua ngoto mike ñärärä, tä sribebare “rüäre hierro biti aune rüäre dobro bití” (Daniel 2:33). Jondron tä mritani ne ñan ja erebe estutua ngrabare mada yebe, Ñodre mada abkon tä sribebare metal ribi yebiti. Ye medenbätä, juta gobranka kä ngöibiti tibien keteiti ye abokan ñan ja erebe madabe. ¿Ye abokan ño? Profecia Danielkwe tä mike gare kore:

Profecia neta mike gare ye erere, juta keteiti kri gobran käbití tibien bämikata estatua ngoto biti, ye abokan ñan rabai kärekäre. Di ñaka rabai krübäte ñan ñobätä aune nitre nünanka yete ara käkwe mikai dinekä.

Profecia Danielkwe ye tä nemen bare ño kä nengwane

Estatua ngoto ye abokan tä juta keteiti ütiäte ni näire bämike ye abokan, juta tä ja kete Estados Unidos aune Reino Unido. ¿Kukwe meden meden tä nemen bitinkä abokan tä kukwe ne erere mike gare nie?

Ninina ye erere, estatua ngoto ye “ruäre hierrore aune ruäre abokan dobrore”, jondron mritani ni abokan därebe metre (Daniel 2:42). Kä nengwane, Estados Unidos aune Reino Unido tä ja kete dite akwa ye tä nekä nitre nünanka yete ye ara köboire. Ñodre, juta ketebu nete nitre nünanka ye tä ngüdrore kä jabe. Erere arato, jondron ütiäte ni itire itirekwe ya ribeta kwe jai, Akwa tä nuainne ni mada nuain tare yebiti. Aune nitre deankata kwetre gobrankare jabiti ye abokan ñan tä kukwe ükete jabe. Kä nete nitre tä ja ñäkänintibe, ye koboire arato gobrantre tä nemen jondron nuaindi akwa ye nemen bare ietre.

Ari kukwe mike gare ja ruäre Profecia de Danielkwe yebätä, dre käräta aune tä nemen bare nengwane.

Profecia: “Gobran rabai ñäkänintibi, akwa ruäre abokan tädi ribi krubäte hierrore” (Daniel 2:41).

Dre käräta: Erametre, Estados Unidos aune Reino Unido ye ngätäite nitre tä ja ñäkänintebe akwa juta ne kwe jondron rükäre yetä aune yebiti dite. Aune ye koboire tä dite krubäte hierro ye erere.

Nemen bäre

Tärä bätä juta keta kabre ükaninte yete meden tä ngwean kitekä jondron rükärebätä kä 2023 yete, Estados Unidos aune Reino Unido käkwe ngwean kitaninka bäri, juta ketajötä biti ketebu ye krake gwaire (Stockholm International Peace Research Institute [Instituto Internacional de Estudios para la Paz de Estocolmo]).

“Sribita ja kriemikakäre kwarikwari juta ketebubu Reino Unido aune Estados Unidos nekwe[...] ye tä nirien bäri aune ye tä mike ja kete dite, ngüse [...;] nunta sribire ngwaire, nunta ja kriemike ngwaire, nunta ja mete ngwaitebes” (Comando Estratégico, Ministerio de Defensa del Reino Unido, abril de 2024).

Profecia: “Ni ngotodaba ye ruäre hierrore aune ruäre abokan dobrore, ye erere arato gobran ye rabai kä ruäre känti dite aune kä ruäre känti därebe” (Daniel 2:42).

Dre käräta: Juta ne dite jondron rükäre biti, Estados Unidos aune Reino Unido, Akwa kukwe tä gobran käre ye koboire ñan raba jondron bätäkä ngwarbe nuainne. Nitre kwatí ñan gobrantre ne dimike ngwane, dre nuain tä kwetre ye ñan nemen nuäre kraketre mika käre nemen bare.

Nemen bäre

“Nitre jä tötika krikri ye tä mike gare, jondron tä gobran Estados Unidos ñäkebiti nekwe ñan jondron ketabre nuiandre käbití tibien, nodre, nitre tä nüne kä kwekebe te aune jondron kökata yebätä” (The Wall Street Journal).

“Kukwe tä nemen bare gobrantre ie jabätä ñan tuäre bare ruäre [...] ye tä nitre gobran mike töbike, ye medenbätä nitre sribika gobrantrebe ie [britanicotre] ñan nemen nuäre kraketre kukwe nuain käre nitre nünanka jutate ye krake” (Institute for Government [Instituto de Gobierno]).

Profecia: “Niaratre[ye abokan, gobrantre] ja mritai juta mada ben. Akwa ñaka rabai keteitibe jabe kwärikwäri” (Daniel 2:43, nota).

Dre käräta: PNitre nünanka bobre ruäre tä nemen mate kukwe gobrankäre yete. Akwa, mrä, nitre sribikä aune nitre tärä kitaka bätä kä ñaka tä nemen juto.

Nemen bäre

“Kä nengwane, nitre kwatí nünanka estadounido yei gobran aune nitre gobranka ye ñan jä jondron nuianne kwin tuin ietre” (centro de investigación Pew Research Center).

“Kä nikanina 50 ta yete, gobran aune gobrankatre yei tö ngwan ñan niena ye ñaka tuaba bäri nemen bare ye erere” (National Centre for Social Research [Centro Nacional de Investigación Social]).

Profecia Danielkwe ne rabai bare ño

Profecia ne tä mike gare ye erere, juta gobrankä käbiti tibien Estados Unidos aune Reino Unido ye täi gobrane aune Ngöbökwe Gobrankwe ye ükaite gobrantre kä nebätä ye täte (Daniel 2:44).

Profecia ne bä kwrere tä tärä Apocalipsis känti, Biblia tä mike gare “gobrantre kä jokräbiti” yekwe ja ükaikro rükäre Jehovabeb rü Armagedón, “rü köbö kri Ngöbökwe, Dite kri krübäte” (Apocalipsis 16:14, 16; 19:19-21). Rü nete, Jehovakwe gobrantre kä nebätä ye gaite täte, aune juta krikri gobranka käbiti tibien bämikata Danielkwe ye ñaka rabaira jire.

Mä tä kukwe mikai gare bäri jai, articulo nebätä mäkwe ñäkä “¿Dre abokan Armagedón?”.

Profecia ne rükare gare nie ye ñobätä kwin ni krake

Kukwe tä nakainkä jabätä gobrantre juta Estados Unidos aune Reino Unido ie, aune jondron tä nakenkä negwane ye rukai gare nie ye koboire nikwe jondron mikai tuin jene jai.

• Ye rükai gare mäi ñobätä ni nänkä Jesu jiebití ye ñan rabadre ja mike gobrantre kä nebätä yete (Juan 17:16). Aune rükai gare mäi arato ñobätä Jesukwe —nitre deaninkä Ngöbökwe gobran käre kä kwinbití niarabe— yei nieba: “Gobran tikwe ñaka kä nebätä” (Juan 18:36).

• Gobran Ngöbökwe käkwe jondron jökrä ükaite kä nebätä yei ni raba tö ngwen aune jondron kwin mikai nemen bare kwe ni kä tibienbätä krake, Ngöbökwe käbämikani ye erere (Apocalipsis 21:3, 4).

• Juta keta kabre tä rüre jabe aune tä ni mike tobike kwatí aune tä kä tibien nien ngwarbe, ye kisete ni mikai kwore (Salmo 37:11, 29).

Profecia Danielkwe tä mike gare, gobran keteiti täi gobrane kä biti tibien ye abokan Estados Unidos y el Reino Unido, ye bämikata estatua ngoto ye biti, gobran ne abokan mrä käkwe gobrandi ni kä tibienta yebiti. ¿Dre jatai ye täriö? Gobran keteibe metre käkwe gobrain kä tibien kä kwore, ye abokan Gobran Ngöbökwe.

Dre nuaindi Gobran Ngöbökwe yekwe ye mä tö mikai gare bäri ja ngwane, mä raba video ne mike ñärärä ¿Dre abokan Gobran Ngöbokwe?