¿Nitre testiko Jehovakwe tä Jesús mike era jai?

Jän. Jesús ara käkwe niebare: “Ti abokän ji, kukwe metre aune ja nire. Ti aibe köböire ni raba nökrö ti Rün ken” (Juan 14:6). Jesús nämene kä kwinbiti jatani Kä tibienbätä ja nire metre ye biankäre nun ütiäre ye gare kwin nunye (Mateo 20:28). Murie ketani aune ganinkröta ye köböire nire nire käkwe tödekai niarabiti yekwe ja nire käre rabai (Juan 3:16). Jesús tä Reire Gobran Ngöbökwe yete aune Gobran ye köböra ni mike nüne jäme Kä tibienbätä ye gare metre nunye (Revelación [Apocalipsis] 11:15). Akwa, Jesukwe niebare: “Ti Rün abko bäri kri tikrä” (Juan 14:28, Kukwe Kuin Ngöbökwe). Kukwe ye metre nun kräke aune Jesús ye ñaka Ngöbö Bäri Dite Krubäte ye gare nunye. Ye medenbätä, nun ñaka Jesús mike täte.