Nota

c Génesis 2:16, 17; 3:1-5, (JK): “Angwane Dänkin Ngöbökwe niebare mda ni brare neye: Krita nete ne, ma tö raba mden mden ngwäkä kwetai, erere makwe kweta, akwa kri dre kuin btä dre käme mikakrä gare, se ngwäkä makwe ñan tö ngwian kwete jire chi, ñobtä ñan angwane makwe kri ngwäkä se kwetadre angwane, ma krütadi... Dänkin Ngöbökwe jändrän bätäkän ngwarbe dätebare kena, ne ngätäite jändrän nämane krati kä dianta tibi. Tibi ne abko bäri töbtä ni ngökabti jändrän jökrä känsenta ngwä. Tibi ne nämane kä kuin Edente siba. Bati tibi jatani, käkwe niebare meriye: Kri jökrä nete noko, ¿Ngöbökwe ñan ngwäkä kwetamna jire chi munye ñan ñan? niebare kwe ie. Meri ye käkwe niebare mda tibiye: Kri jökrä tä nete noko, nunkwe ngwäkä kwetadre nieba Ngöbökwe, akwa krita dati kä kuin Eden te ruäre, se aibe munkwe ñan ngwäkä kweta amne, munkwe ñan kise mika jire chi btä, ñobtä ñan angwane ye ngwane mun gatadi, nieba Ngöbökwe nunye, niebare meri yekwe tibiye. Abtä tibikwe niebare mda meri yeye: Mun ñan krütadre. ¡Ngwarbe Ngöböta mun ngökö yere! Ñobtä ñan angwane munkwe kri ngwäkä se kwetadre angwane, mun rabadre töbtä kri. Dre kuin btä dre käme rabadre gare jökrä munye. Mun rabadre Ngöbö kwrere arato abko, ie Ngöbö ñan tö”.