Nota

c 1 Samuel 16:​6, 7, 10-12: “Niaratre nükani ngwane Eliab jutuabare Samuel ie aune niebare kwe: “Erametre ni ne ara dianinkä Jehovakwe”. Akwa Jehovakwe niebare Samuel ie: “Niara bä ño aune nga kwin ye mäkwe ñaka mika ñärärä, ñan ñobätä aune ti ñaka niara dianinkä. Jondron tuin ño ni kä nebätä ie ye erere Ngöbö ñaka mike tuin jai. Dreta ni kä nebätä känenkri ye aibe tuin ie, akwa Jehová abokän tä ni brukwä mike ñärärä. Aisete Jesé käkwe monso ni kükü kwe käräbare Samuel känti, akwa Samuel niebare Jesé ie: “Jehová ñaka niaratre dianinkä”. Mrä mada Samuel niebare Jesé ie: “¿Monsotre ne ngöräbe mäkwe?”. Jesé käkwe niebare: “Monso bäri bati ye aibe nebe; tä oveja ngübare”. Yebätä Samuel niebare Jesé ie: “Ni juen iti tuin, ñan ñobätä aune nikwe ñaka täkädi mröre niara rükadre ye känenkri”. Yebätä Jesé käkwe ni juani niara tuin aune jänükani. Niara ye abokän dokwä druen aune kwata tain, okwä nuäre aune bä nuäre. Aune Jehovakwe niebare: “¡Niara ye ara aisete denkä!”.