KUKWE ÜTIÄTE BIBLIABÄTÄ | JEREMÍAS 51, 52
Jehová kukwei ye jökrä tä nemen bare
Kukwe rabai bare ño jatäri ye Jehovakwe mikani gare metre.
Ni rükä persa buko kitaka
“Munkwe buko tutikadre”
51:11, 28
Buko kitadre ye nämene gare kwin nitre medo aune persa yei aune tukwen ye jondron rüra metrere ietre. Nämenentre buko tutike grine ne kwe niadre bäri nguse nitre ngätäte ta.
“Nitre rükä Babilonia ñaka niena rüre”
51:30
Crónica de Nabonido yekänti nieta, “nitre rükä Ciro yekwe ñaka rübare juta Babilonia diankäre jai”. Kukwe nieta ye ja erebe Jeremías kukwe niebare yebe.
Crónica de Nabonido
“Jä ükaninkrö ere jabiti ye kwrere Babilonia rabai, [...] rabai kä nötare ye kwrere kärekäre”
51:37, 62
Kä 539 k.1k. yete ja känenkäre, juta Babilonia ye ñaka namanina tuin ütiäte aune käikitaka ñaka namanina. Juta Babilonia yekänti Alejandro Magno tö namani juta jökrä ye gobraine, akwa drekebe ngwarbe krütani. Siklo kena yete nitre judío ruäre nämene nüne Babilonia yete aune apóstol Pedro nikani niaratre tuinbiti. Akwa, siklo ketabokä ye näire, juta ye namanina niken ngwarbe aune mrä mada ñaka namanina.