“Nire nire tö rabai bäri ütiäte kri mun ngätäite ye abko käkwe sribidre ni bobre kwrere ni mda mdakrä”

20:28

Nitre escriba aune fariseo bikaka kri tö nämene nitre töi mikai ñan krütare jabätä (Mt 23:5-7). Akwa Jesús ñaka nämene ja ngwen kore. “Ni Kä Nebtä Ngobo ne jatani kore ye kwrere, ñobtä ñan angwane ñan ni mda mdakwe sribidre tikrä, abkokäre ti jatani, akwa ti jatani sribikäre ni mda mda kräke” (Mt 20:28, Kukwe Kuin Ngöbökwe). Sribi Ngöbökwe raba ni mike tuin bäri ütiäte ni mada okwäkänti, ¿ye aibebätä nita ja töi mike nuainne? Nikwe ja ngwandre Jesús erere aune nikwe ja di ngwandre nitre mada dimike ne kwe ni rabadre ütiäte Jehová kräke. Bä kabre, nitre mada ñaka kukwe ye gain akwa Jehová abrä ie tuin (Mt 6:1-4). ¿Ni sribikä Ngöbö kräke töi bobre ye tä sribi meden meden nuainne?

• Tä kä bätete aune Ju Ja Ükarakrö ye ükete kwin.

• Tä juto biare nitre umbre aune ja mräkätre bätä ja ngwaitre dimike.

• Tä ngwian bien sribi Ngöbökwe dimikakäre.