NITA JA NGWEN ÑO
Ütiäte krubäte nikwe kukwe driedre aune nitre tötikadre niaratre mikakäre ja tötikaka
Jesukwe nitre nänkä niara jiebiti ye juani nitre mike ja tötikaka siba (Mt 28:19). Kukwe ye mikakäre täte ni rabadre kukwe driere aune nitre tötike. Nane nane nikwe kukwe ne ngwandretari jai: “Nitre rabadre ja tötikaka yekäre, ¿ti raba kukwe driere aune nitre tötike ño bäri kwin?”.
KUKWE DRIERE
Ni ñan rabadre nitre ngübare nüke jakänti, ñakare aune ni ara käkwe ja töi mikadre käne nitre tö kukwe mikai gare jai ye känene (Mt 10:11). Nita kukwe driere ye ngwane batibe nita ngätäi nitre madabe, ¿ye jökrä ie nita kukwe driere? (Hch 17:17). Lidia namani ja tötikaka Jesube ñan ñobätä aune apóstol Pablo töi nämene kwatibe kukwe driebätä (Hch 16:13-15).
“Mäkwe nura nöka dekä nememe dere aune ñaka ja kise mika nemen kwekebe” (Ec 11:6).
VIDEO NIKWE KUKWE KWIN DRIEDRE “JANKUNU”: KÄ JÖKRÄ NGWANE AUNE JU JU TE YE MÄKWE TUA, BITI MÄKWE KUKWE NGWANTARITA NE MIKA GARE:
Nura nökata ye kwrere Samuel tö nämene kukwe metre mikai gare kä jökrä ngwane, ¿ye bämikani ño kwe?
¿Ñobätä ni rabadre kukwe driere kukwe jene jene ükateta ye ererebätä?
Tita jondron jakwe nuainne mantre jetebe ye ngwane, ¿nire nire ben ti raba blite Gobran Ngöbökwe yebätä?
NITRE TÖTIKE
Nitre mikakäre ja tötikaka, ñan jerekäbe ni rabadre tärä o täräkwata döräire. Ni rabadre nitre tuinbitita aune tötike Bibliabätä niaratre dimikakäre nirien kukwe ja üairebiti (1Co 3:6-9). Töi bökänbiti ni tädre nitre tötike kukwe metrebätä, akwa yebiti ta kukwe kwin ñaka rabadre bare. ¿Ye ngwane nikwe dre nuaindre? (Mt 13:19-22). Ni rabadre nitre brukwä kwin ye känene jankunu (Mt 13:23; Hch 13:48).
“Tikwe nökani; Apolokwe ñö kekanibiti, akwa Ngöbökwe mikani nirien” (1Co 3:6, Ngöbö Täräe, tärä okwä ükaninte).
VIDEO NIKWE KUKWE KWIN DRIEDRE “JANKUNU”: NITRE JÖKRÄ NGWÄREKRI AUNE NITRE MIKE JA TÖTIKAKA YE MÄKWE TUA, BITI MÄKWE KUKWE NGWANTARITA NE MIKA GARE:
¿Nura ja üairebiti nämene Ezequiel aune Abigail brukwäte yebiti Solomon bätä María ñö metaninkä ño?
¿Kukwe jene jene ükateta kukwe driekäre ye ñokäre nikwe nuaindre?
¿Ruäre ngwane nikwe dre nuaindre ne kwe ni töi tädre kwatibe kukwe metre ye driebätä jankunu?