• Nire nire tä “jändrän kuin nuene” kä ngwankäre nüke jai ye Jehovata tarere
    Ni Mikaka Mokre (ja tötikara) 2018 | mayo

    • 7. a) ¿Ni sribikä uva yebätä, uva kökräi aune uva küdei yebätä nire nire bämikata? b) ¿Kukwe meden ngwantarita abokän nibike mike gare jai?

      7 (Ñäkädre Juan 15:1-5, 8 yebätä). Jesús arabe käkwe mikani gare, niara abokän “uba kökräi era metre” niara Rün abokän “sribikä uba kökräi yebtä” aune nitre ja tötikaka kwe ye abokän “uba küdei kwrere”. Ye bitikäre, niebare kwe nitre apóstol ie: “Munkwe sribi kuinkuin nuendi, köböire ni kwati käkwe tödekadre Ngöböbti abko rabadi uba ngwä kabre kwrere, yebtä abko mun ja töitikaka tibe abko rabadi gare metre amne ti Rün rabadi käikitaninkä kri”.b Aisete, ¿nikwe kukwe kwin nuaindre nieta ye dre gärätä? Nura ngwä ye nämäne dre bämike ye Jesukwe ñaka mikani gare, akwa kukwe ütiäte mikani gare kwe ye raba ni dimike mike nüke gare jai.

      8. a) ¿Kukwe kwin nuaindre aune ni mikadre ja tötikaka Jesukwe ye ñobätä ñaka ja erebe? b) ¿Ngöböta kukwe meden meden ribere nuaindre nie?

      8 Jesukwe kukwe ne niebare Runbätä: “Uba küdei mden mden ngwä neme ñakare btä, ye abko ti Rün tä tikekä ta”. Ye abokän nikwe kukwe kwin nuaindre Jehová kräke ye ngwane, ni kai ngäbiti kwe ni niara mikaka täte erere ye meden gärätä (Mat. 13:23; 21:43). Ye medenbätä, texto nekänti nikwe kukwe kwin nuaindre nieta ye ñan nikwe ni mada mikadre ja tötikaka Jesukwe ai gärätä (Mat. 28:19). Ye erere akräke, ja mräkätre Ngöbö mikaka täte metre ñaka ni iti dimike jire nemen ja tötikaka Jesukwe ye ngwane, raba nemen uva küdei ñaka kwin niebare Jesukwe ye erere. Akwa ni ñaka raba töbike ye erere, ñobätä ñan aune ni ñaka raba nitre töi mike ja dibiti kukwe Ngöbökwe ye kain ngäbiti. Ne madakäre, Jehová tä ni tarere aune dre dre ñaka raba nemen nuainbare nie akwa yebiti ta niara tä ni kain ngäbiti. Kukwe meden ñaka raba nemen nuainbare nie ye niara ñaka tä ribere nuaindre nie (Deut. 30:11-14).

      9. a) ¿Nikwe sribi meden nuaindre kukwe kwin nuainkäre? b) ¿Kukwe meden bämikani abokän nibike mike gare jai aune ñobätä?

      9 Ye erere akräke, ¿nikwe kukwe meden kwin nuaindre? Erametre, ni jökrä raba kukwe ye nuainne. ¿Aune sribi meden Jehovakwe mikani nuaindre ni niara mikaka täte jökrä ie? Ye abokän nikwe Gobran Ngöbökwe kukwei driedre (Mat. 24:14, TNM).c Jesukwe kukwe ye bämikani ni nura nökaka yebätä. Ani mike gare jai.

  • Nire nire tä “jändrän kuin nuene” kä ngwankäre nüke jai ye Jehovata tarere
    Ni Mikaka Mokre (ja tötikara) 2018 | mayo

    • b Uva küdei ye abokän nitre kristiano dianinkä nänkäre kä kwinbiti, akwa ni Ngöbö mikaka täte ye jökrä ie kukwe ütiäte ja töi kräke raba kwen texto yebätä.

      c Nura ngwäta nemen ye kwrere nikwe sribidre Ngöbö kräke nieta ye abokän ‘Ngöbö Üai ni dimikadre kukwe kwin nuainne’ meden gärätä arato. Akwa, kukwe ja tötikara ne aune mada yekänti blitai metrere “Ngöbö käikitadrekä nikwe ja kadabti” yebätä, ye abokän nikwe kukwe driedre Gobran Ngöbökwe yebätä meden gärätä (Gál. 5:22, 23; Heb. 13:15).