Orasion debe biankäre

1. Jehová töi kwin, ye käikitadrekä.

Jehová nunta ja di kärere mäi;

nunta orare mäi Mä kukwe nuin.

Ngöbö kri mätä nun ngübare kwin.

Nunta ja mike ngite gare mäi;

mäkwe ngite ye juanta nunbiti.

Mä monsoi ja nire biani nunkrä.

Jehová mäkwe nun mika töbätä.

2. Nitre nübai yebätä kä juto;

ju mäkwe yete mäkwe tötikai.

Mätä nun jie ngwen mä kukweibiti;

ju mäkwe yete nun tö nünandi.

Mä kise ye dite kri krubäte,

mäkwe nun dimika ja ngwen dite.

Ngöbö gobran mäkwe mikadre kri;

mä kukwei ye rabai bare metre.

3. Mä mika täte käi nuäre nunkrä;

erere nuain niena kä nebätä.

Ngöbö töi kwin gobran mäkwe jatai;

kukwe tare, gata ñan rabaira.

Jesukwe ni käme jökrä gaite,

kä rabai juto kä jökräbiti.

Nunta kantare debe biankäre,

mä töi kwin käre yebätä Jehová.