Kukwe ja tötikara 12

Ja nire bätä däri ye mikadre ütiäte jai

¿Ja nire ye rabadre tuin ño nie? (1) ¿Monso jämi därere murie ketata ye rabadre tuin ño nie? (1)

¿Ño nitre kristiano tä ja nire ngübarebiti ne kwe ñaka jüruaindre tare? (2)

¿Jondron nire kämikadre ye käme? (3)

¿Kukwe meden käme nuainta abokän tä mike gare ja nire ñaka ütiäte nikrä? (4)

¿Kukwe Ngöbökwe yeta dre niere däri yebätä? (5)

¿Däri mikadre ja kwatate ye gärätä arato? (6)

1. Jehová käkwe ja nire biani nie. Ngöbö köböire ni jökrä tä nire. (Salmo 36:9.) Ni nire ye ütiäte krubäte Ngöbökrä. Monso tä meyebätä jämi därere ye jökrä ütiäte krubäte Jehovakrä. Monso kite krire nikwite meyebätä kämikadre nierare ye käme Ngöbö okwä gänti. (Éxodo 21:​22, 23; Salmo 127:3.)

2. Nitre kristiano metre tä ja nire ngübarebiti ne kwe ñaka jüruaindre tare. Tätre karo bätä ju kwetre ye ükete kwin ne kwe kukwe tare ñaka rakadrekä bätätre. (Deuteronomio 22:8.) Nitre Ngöbö mikaka täte ñakare ja nire tuenmetre nuaindre tare kä ngwankäre juto jabätä kukwe ngwarbe yebebätä. Ye medenbätä jadaka tare känti nierare ni mada nuainta niken tare ye ñakare nuainentre. Jadaka ruäre känti ja metata niken ye abokän ñaka nuainentre. (Salmo 11:5; Juan 13:35.)

3. Jondron nire ye ütiäte krubäte Jehovakrä arato. Ni kristiano raba jondron nire kämike kwetadre jai, ja ngwäkitakrä o ja kriemikara bren ngänikaire. Jondron ruäre tä ni nuainne tare yebe ni raba kämike arato. (Génesis 3:21; 9:3; Éxodo 21:28.) Akwa jondron nire nuainta tare o kämikadre nierare ye abokän ñakare kwin. (Proverbios 12:10.)

4. Sö duadre, ükwadre kadate bätä droka duadre kä mikakäre juto jabätä ye ñaka kwin ni kristiano kräke. Kukwe nuainta ne ñaka kwin ne ñan ñobätä 1) tä ni töimike jondron yebe nuainbätä, 2) tä ni ngrabare mike bren bätä 3) ye käme krubäte. (Romanos 6:19; 12:1; 2 Corintios 7:1, Kukwe Kuin Ngöbökwe.) Kukwe käme nuainta ne ñaka nuäre tuanemetre, akwa ni törba kä mikai juto Jehovabätä angwane nikwe nuaindre.

5. Däri ye ütiäte krubäte Ngöbö okwä känti arato. Niarata niere ja nire ye tä ni däriete. Ye medenbätä däri kwetadre ye ñaka kwin. Jondron ngrire ñaka därie dianinte kwin kwetadre ye käme arato. Jondron nire nökaninkä o ngatani köte, ye nikwe ñaka kwetadre. Jondron ngrire täkädre, kämikadre bukobiti o krübiti, ye angwane benkwairebe därie diandrete biti kwetadre. (Génesis 9:​3, 4; Levítico 17:​13, 14; Hechos 15:​28, 29.)

6. ¿Däri mikadre ja kwatate ye käme? Nikwe ngwandre törö jai, Jehová tä kärere nie nikwe ñaka däri ye kadre ngäbiti. Nikwe ñaka ni mada däriei ye mikadre ja kwatate bätä däri jeñe nikwe akwa ni ñaka rabadre miketa ja ngrabare jire chi meden gärätä. (Hechos 21:​25.) Ye medenbätä, ni kristiano metre ñaka däri mike ja kwatate. Akwa tätre ja tuenmetre kräkäimikadre kräkä madabiti, ñodre kräkä ñaka mritani däribe mikata ja kwatate ye erere. Tö nünanbätä, akwa ñaka Ngöbö kukwei kite tibien ja nire ye ganainkrä. (Mateo 16:25.)

[Jondron üai bämikani página 25]

Kämikadre juto Ngöböbätä gäre, nikwe ñaka däri mikadre ja kwatate kukwe käme ye ñaka nuaindre. Arato kukwe ruäre nuainta känti ni raba jüruainne tare ye abokän nikwe ñaka nuaindre