“Kukwe nieta täräkwata driekäre ... yebätä”

Kukwe ükaninte Gätä Sribi Ngöbökwe Nuainkäre yete, täräkwata Ni Mikaka Mokre aune ¡Despertad! driedre ño sö kratire kratire ye kräke kukwe nieta. Ye nuainta ñaka kukwe jökrä tä mikani täräkwata yebätä kädriekäre, ñakare aune kukwe keta kabrebiti täräkwata drie raba ye kädriekäre jabe. Ye medenbätä, kukwe nieta nuaindre ye ererebätä, ja mräkä kisete kukwe ne täi käkwe blitai jötrö ngwarbe aune kä jutobiti nitre ja ükaninkrö töi mikakäre kukwe driere täräkwata yebiti. Ye bitikäre, kukwe keteiti (o kukwe jene jene tä jatäri) täräkwata yebätä nitre ja ükaninkrö nübaidre blite ne kwe kukwe medenbiti täräkwata drie raba ye niedre kwetre arato. Ye köböire ni jökrä ja töi mikadre kukwe keteitibätä gwairebe aune kukwe meden niedre täräkwata driekäre ye niaratre rabadre tike täräbätä jai. Kukwe tä täräkwatabätä ye ja mräkä käkwe ñaka nitre nübaidre niere jökrä, ñakare aune kukwe meden ngwantari raba nitre töi mikakäre täräkwata yebätä aune texto medenbätä ñäkä raba ye nitre ja ükaninkrö nübaidre niere kwe. Mrä, kukwe bämika manandre kwe täräkwata keteitire ketirire kräke. Nitre jökrä nübaita ja tötike käne täräkwata yebätä ne kwe gätäte rabadre kukwe kwin niere täräkwata ye driekäre. Ni jökrä ja tötikai kwin angwane, ni itire itire käkwe “ni mada dimik[ai] (Prov. 27:17).