KUKWE JA TÖTIKARA 6

¿Ñü Kri ye kätä dre mike gare nie?

Ngöbökwe nitre töi käme ganinte akwa Noé bätä mräkätre mikani kwäre kwe (Génesis 7:11, 12, 23)

Arca tä nakainka ñöte kuinta ye ngwane, nitre käme ye tä ngante ñöte, aune angeletre käme nikaninta kä kwinbiti

Ñü näkäni tibien köbö gre ketebu rare bätä köbö gre ketebu dibire aune kä jökrä nikani ñöte. Nitre töi käme ye jökrä ngatani.

Angeletre töi käme käkwe ja sribebare ni kä nebätä erere ye tuanimetre kwetre, biti ja mikani kwetre chokalire.

Noé, mräkatre kwe aune jondron nire tä näin mento arca yete aune mrüträ ta kä kwinbiti

Nitre nämene arka teri ye namaninte nire. Ye bitikäre kä nikani raire ta aune Noé bätä mräkätre kwe krütani, akwa Ngöbökwe niaratre gaikröta nünankäre kärekäre.

Ngöbökwe nitre kukwe käme nuainkä ye gaite bobukäre aune nitre kukwe kwin nuainkä ye mikai kwäre kwe (Mateo 24:37-39)

Satana aune chokalitre tä kukwe keta kabrebiti nitre ngökö

Satana bätä chokalitre ye täbe nitre ngökö kä nengwane.

Noé näire ye erere, kä nengwane Jehová tä ni jie ngwen ni tare kwe yebätä akwa nitre kwati ñaka kain ngäbiti. Jehová köböra nitre töi käme gainte (2 Pedro 2:5, 6).

Nitre testiko Jehovakwe tä kukwe Bibliabätä driere ni brare iti ie; ni brare iti tä ñake Bibliabätä

Nitre ruäre töi Noé ye erere. Tätre Ngöbö mike täte aune niara tä dre niere ye erere niaratre tä nuainne; nitre ye abokän Testiko Jehovakwe.