KUKWE JA TÖTIKARA 14

¿Ño mä raba ja ngwen metre Jehovai?

Mäkwe ja mika käre Ngöbö yekri (1 Pedro 5:6-9)

Ni kristiano iti ñaka tö ja mritai nitre Ngöbö kukwei ngwarbe mikaka täte yebe o kukwe gobrankwe yebe

Kukwe meden nuainta abokän Biblia tä ñäkäire ye mäkwe ñaka nuain. Mäkwe ñaka kä jürä ngwan jabätä nuainkäre.

Mäkwe ñaka ja mika kukwe gobrankwe yete; ñobätä ñan aune gobrandre ye ñaka ja mike Jehová aune Gobran kwe yekri.

Mäkwe töbika kwin metre, Ngöbö mikakäre täte (Mateo 7:24, 25)

Ni brare iti nü gätäte Ju ja Ükarakrö yete aune tä ja tötike Bibliabätä nitre testiko Jehovakwe ben

Mäkwe ja keta nitre testiko Jehovakwe yebe; niaratre mä dimikai nökrö Ngöbö kökwäre.

Mäkwe kukwe mika gare jankunu Ngöböbätä jai aune mäkwe ja di ngwan kukwei mike täte.

Ni brare iti tä orasion yebiti ja denkä mento Ngöbö kräke aune ja ngökö ñöte

Tödeka mäkwe raba dite angwane, mäkwe ja dianka Jehová mikakäre täte aune mäkwe ja ngöka ñöte (Mateo 28:19).

Mäkwe Ngöbö mika täte. Mäkwe ñäkä Bibliabätä, aune mäkwe ja di kärä nitre testiko Jehovakwe ie ne kwe kukwe ye rükadre gare mäi. Ne madakäre, kukwe nemen gare mäi ye mäkwe nuain arato, mäkwe ye erere nuaindi angwane mä nünain kärekäre (Salmo 37:29).