Kä 1914 yebätä ni raba kukwe mike gare ño ni madai
Nikwe ja mikadre juto biare kukwe mikata täte nikwe ye mikakäre gare ni madai akwa “ja moto jämenbti [...] amne [...] mika[dre] ütiäte jae” nieta Bibliakwe nie (1 Ped. 3:15, Kukwe Kuin Ngöbökwe). Erametre, kukwe ruäre nguse Bibliabätä ye ñaka nuäre mikadre gare, ñodre, Gobran Ngöbökwe jatani gobrane kä 1914 yete. Ni dimikakäre, kukwe ükaninte ketebu jatäri kädekata: “Blitata nitre testiko Jehovakwe ben: ¿Ñongwane Gobran Ngöbökwe jatani gobrane?”. Täräkwata Ni Mikaka Mokre biti nikwe kukwe driei sö octubre aune noviembre yebätä kukwe ye kädrieta. Mäkwe ñäkäbätä angwane, Julio, ni kukwe driekä käkwe kukwe mikani gare ño abokänbätä kukwe ngwantarita jatäri nete yebätä mäkwe töbika.
¿Dre nuainbare kwe...
... blita kömikakäre aune dre kwin niebare kwe ni gwi yei? (Hech. 17:22.)
... kukwe mikata täte kwe ye mikakäre gare töi bobrebiti? (Hech. 14:15.)
¿Ñobätä bäri kwin...
... jämi kukwe mada kädriere, ye känenkri kukwe kädriebare kwe ye ngwaninta törö jötrö ngwarbe kwe?
... namani nane nane kukwe ngwentari Ernesto ie ne kwe kukwe namani nüke gare ie o ñakare ye rabadre gare ie?
... ñaka namani ja tötike kukwe keta kabrebätä namani niken batire batire känti ye ngwane? (Juan 16:12.)
Jehová ni “Tötikaka Kri” ye tä ni dimike kukwe Bibliabätä nguse ye mikakäre gare nitre tö kukwe ye tuai gare jai yei yebätä nita debe bien krubäte ie (Is. 30:20).