Ngöbö ye abokän ni rün ni tarekä kwrere (1 Pedro 5:6, 7)

Ngöbö ye ni sribekä aune töita nibätä. Ni rüne töbätä aune monsotre tare kwe tä tötike ye erere Ngöböta ni kä jökräbiti tibien tötike nünankäre bäri kwin.

Ngöböta kukwe kwin ütiäte mike gare nie, ye tä kämike juto nibätä aune tä ni mike tö ngwen jondron ja känenkäre ie.

Mäkwe Ngöbö mikai täte angwane, niarakwe mä jie ngwain, mä kriemikai aune mä dimikai ja tuin kukwe tare ben.

Akwa ye ñaka ngörä, mäkwe nünain kärekäre arato.

Ngöböta niere nie: “Jakwre ti kökwäre, ti kukwe mike täte aune ja nire käre rabai mäkwe”. (Isaías 55:3)

Ngöbö tä blite nibe Biblia yebiti (2 Timoteo 3:16)

Ngöbö metre käkwe nitre jie ngwani niara töi tike tärä kwatibe deme yebätä. Tärä ye kädekata Biblia. Kukwe ütiäte tä tikanibätä abokän rabadre gare mäi ie Ngöbö tö.

Dre bäri kwin ni kräke ye gare Ngöböi aune niara ye aibe köböire ni raba nemen töbätä. Mäkwe niara mikai täte angwane, erametre mä rabai töbätä (Proverbios 1:5).

Nitre kä jökräbiti tibien ye käkwe ñäkädre Bibliabätä ie Ngöbö tö. Biblia ye sribebare kukwe ketakabrebiti.

Mä tö Ngöbö mikai täte angwane, mäkwe ñäkädre Bibliabätä aune mäkwe mika nüke gare jai arato.

Nitre kä jökräbiti tibien tä niara mike täte (Mateo 28:19)

Nitre Testiko Jehovakwe raba mä dimike Biblia ye mike nüke gare jai.

Niaratre tä kukwe metre driere Ngöbö yebätä kä jökräbiti tibien.

Kukwe driedi mäi ye ñaka ütiä käräi mäi. Ju ja Ükarakrö nitre Testiko Jehovakwe ie mä käi känti yete mä raba Ngöbö mike gare jai arato.