¿Dre käbämikata Bibliakwe kä ja känenkäre ye kräke?

“Nitre kukwe metre nuainkä yekwe kä tibien rabai, aune nünandi kärekäre te kwetre.”

(Salmo 37:29)

“Kä tibien tä kärekäre.”

(Eclesiastés 1:4)

“Niarakwe erametre gata ye ñaikä kärekäre, aune Däkien Gobranka kri Jehová, käkwe nitre jökrä okwä ñöi sökaite ngwärebätä.”

(Isaías 25:8)

“Kä ye ngwane nitre ie kä ñaka tuin ye abokän ie kä rabai tuin, aune nitre olo ngidianinte yei ni kukwei rabai ruin. Kä ye ngwane ni ngüre bren rabai nen mintukwäre bura nidan kwrere, bätä nitre kukwe ñakare ye käkwe blitai kä jutobiti. Ñobätä ñan aune kä ngwarbe nötare yete ñö rabai betekä kwin, bätä kä ngwarbe nötare kiare yekänti ñö rabai nen ere.”

(Isaías 35:5, 6)

“[Ngöbökwe] niaratre okwä ñöi sökaite jökrä [...], aune gata ñaka rabaira jire, ja tare nika bätä ja muai ñaka rabaira jire. Jondron käne nikanina ta.”

(Revelación [Apocalipsis] 21:4)

“Niaratre käkwe ju sribedi, aune nünain te kwetre; bätä erametre uba nökai kwetre aune ngwä kwetai kwetre. Niaratre ñan ju sribedi ne kwe ni madakwe nünandre te; niaratre ñan nura nökai ne kwe ni madakwe kwetadre. Ñobätä ñan aune kri tä nuin raire ye kwrere juta tikwe nünain, aune nitre dianinkä tikwe käkwe sribi meden nuaindi ja kise yebiti ye jökrä rabai kwetre aune kä rabai juto bätätre.”

(Isaías 65:21, 22)