KUKWE JA TÖTIKARA 9

¿Kä Bä Nuäre ye sribei ñongwane?

Kukwe tare tä nemen bare kä tibienbätä ye kätä mike gare Gobran Ngöbökwe köböra kukwe ye ükete (Lucas 21:10, 11; 2 Timoteo 3:1-5)

Kä krüte nengwane kukwe tä nemen bare nierare: jakata ngwian ütiäre, rü nuainta, bren ketakabre, mrö nika, ñaka rün aune meye mike täte aune nitre tä mräkätre nuainne tare tare

Kukwe keta kabre tä nemen bare kä nengwane ye Biblia käkwe mikani gare. Nitre rabai ngwian tarere, ñaka rabai rün bätä meye kukwei mike täte, rabai rubun krubäte, aune rabai kä ngwan juto jabätä ye tarere niebare kwe.

Dobo krikri, rü, mrönika, aune bren rabai krubäte kä jökräbiti tibien. Kukwe ne tä nemen bare kä nengwane.

Ni iti testiko Jehovakwe tä kukwe kwin Gobran Ngöbökwe yebätä driere ni brare iti ie

Ne madakäre, kukwe kwin Gobran Ngöbökwe yebätä driedi kä jökräbiti tibien niebare Jesukwe (Mateo 24:14).

Gobran Ngöbökwe käkwe kukwe käme ye jökrä mikai krüte (2 Pedro 3:13)

Armagedón yebiti nitre blo gaite aune ye bitikäre Satanás bätä chokalitre mikai ja ngie nuin

Jehová köböra nitre jökrä kukwe käme nuainkä ye mike krüte.

Satana bätä chokalitre mikai ja ngie nuin.

Jesús tä täkäni küräte kä kwinbiti; ni bätäkä ngwarbe yebätä kätä juto

Nitre Ngöbö mikaka täte ñaka gaite ye käkwe nünain kä mrä kwin yete, kä yekänti kä jürä ñaka rabaira jire, ye ngwane nitre rabai tö ngwen jai aune ja tarere kwärikwäri.