Mäkwe diri bäri kwin: jondron rürübäinta yekänti

Ñobätä ütiäte. Nitre jökrä bäsi tätre sribire ora kabre te mantre jetebe, yebätä tätre sribire yekänti kukwe driedre ietre ye bäri kwin. Kukwe driedre jondron rürübäinta yekänti ye tä kä mike juto nibätä aune kukwe kwin tä nemen bare, ñobätä ñan aune käre nitre tä kwen nie, ne madakäre nitre sribikä yete tätre ni kain ngäbiti kwin ni raba nemen jondron kökaka ietre ye kwrere tätre ni mike tuin jai. Kukwe drieta kä ye kwrere känti angwane, nitre kukwe driekä ye käkwe töbikadre kwin blitakäre, ja ngwäkitadre aune ja ükadrete kwin kwetre ne kwe nitre käkwe kukwe nuadre (2 Cor. 6:3). Ñongwane aune nire tä kukwe driere jondron rürübäinta yekänti ye ni umbre kukwe drieta jie ngwanka ye käkwe ngübadrebiti.

Nuaindre ño:

Mäkwe kukwe ükate braibe blitakäre. Mäkwe blitadre krubäte ni sribikä yebe angwane, köbö mada ngwane nitre ñaka törbadi blitai mäbe.
Jondron rürübäinta yekänti mä rika kukwe driere sribi ñaka krubäte ye ngwane, ñodre, sribi kömikata ye ngwane.
Mäkwe blita käne ni sribi jie ngwanka yebe aune mäkwe blita töi kwinbiti ben. Mä raba niere krörö ie: “Nunta näin jötrö blitakäre nitre sribikä nete yebe ñobätä ñan aune ne kwrere bäri nuäre blitakäre bentre”. Minuto braibe te mäkwe täräkwata kia, Ni Mikaka Mokre bätä ¡Despertad! o tärä mada ye drie. Sribi nuainta nikwe ye ütiä bianta ño ye nitre ñaka ngwentari nie angwane nikwe ñaka kädekadrete ie, ne kwe ñaka ni mikadre tuin kwe jai ni jondron rürübäinkä ye kwrere.
Ni sribi jie ngwaka yekwe blita töi kwinbiti mäbe angwane, mä tö blitai nitre sribikä mada yebe mäkwe nie ie. Sribi ruäre yekänti, ni raba täräkwata mikete sala yete o ñakare ye ni raba ngwentari.
Mäkwe töbika kwin blitakäre aune ja töi kwitakäre. Ñodre, ni sribikä ye tädre blite ni jondron kökaka yebe angwane, nikwe ngübadre aune rabadre ngwarbe ye ngwane nikwe blitadre ben.

Mäkwe kukwe ne nuain sö krati:

Ngöbö Mikadre Täte Ni Mräkäbe yete, jondron rürübäinta yekänti kukwe medenbätä mun raba blite nitre ben yebätä munkwe ja kita.