Kukwe käme ye mäkwe ñaka nuaindre (1 Corintios 6:9, 10)

Nita Jehová tarere angwane, jondron tuin käme ie ye nikwe ñaka nuaindi.

Jehová ñaka tö ni tuai, gore, dröbanike, droga duen o mike ja kwatate kä ngwankäre juto jabätä.

Ni mada aune monso jämi därere murie ketadre bätä ni brare ruäre nemen jabe aune meri ruäre nemen jabe ye tuin käme Ngöböi. Niara ñaka tö ni tuai ja töi mike jondron tuabätä krubäte jakwe o ja mete ni madabe.

Ni ñaka rabadre jondron üai ngwarbe sribebare mike ngöböre jai o kukwe chokakwe ye nuainne.

Kä Bä Nuäre kä tibienbätä käbämikata yete, nitre kukwe käme nuainkä ñaka nünain jire.

Mäkwe kukwe kwin nuain (Mateo 7:12)

Nikwe ja di ngwandre ja ngwen Ngöbö erere ne kwe niarakwe ni kadre ngäbiti.

Ni mada tarere aune ja töimike kwin bätä mandiame kräke.

Mäkwe ja ngwan metre aune blita metre.

Mäkwe ni mada mikadre tuin bobre jai aune ngite juandre tabiti.

Mäkwe blita Jehovabätä aune ji kwe yebätä ni madabe (Isaías 43:10).

Mäkwe ja mika käre Ngöbö yekri (1 Pedro 5:6-9)

Kukwe meden nuainta abokän Biblia tä ñäkäire ye mäkwe ñaka nuain. Mäkwe ñaka kä jürä ngwan jabätä nuainkäre.

Mäkwe ñaka ja mika kukwe gobrankwe yete; ñobätä ñan aune gobrandre ye ñaka ja mike Jehová aune Gobran kwe yekri.

Mäkwe töbika kwin metre, Ngöbö mikakäre täte (Mateo 7:24, 25)

Mäkwe ja keta nitre testiko Jehovakwe yebe; niaratre mä dimikai nökrö Ngöbö kökwäre.

Mäkwe kukwe mika gare jankunu Ngöböbätä jai aune mäkwe ja di ngwan kukwei mike täte.

Tödeka mäkwe raba dite angwane, mäkwe ja dianka Jehová mikakäre täte aune mäkwe ja ngöka ñöte (Mateo 28:19).

Mäkwe Ngöbö mika täte. Mäkwe ñäkä Bibliabätä, aune mäkwe ja di kärä nitre testiko Jehovakwe ie ne kwe kukwe ye rükadre gare mäi. Ne madakäre, kukwe nemen gare mäi ye mäkwe nuain arato, mäkwe ye erere nuaindi angwane mä nünain kärekäre (Salmo 37:29).