¿Ñokänti ni raba nüne kä jutobiti ni mräkä yebe?

NITRE BRARE AUNE MERITRE GURE/ NITRE RÜNE AUNE MEYERE

“Nitre brare gure rabadre muko kwe tarere tä ja ngrabare tarere ye kwrere. Nire kätä meri kwe tarere ye kwrere tä ja tarere arato, ñobätä ñan aune ni ñakare jire iti brukwä nemen ja ngrabare ye kräke; ñakare aune tä buke aune ngübare kwin. ...Mun brare itire itire käkwe mun muko taredre arato munta ja tarere ye kwrere.”

(Efesios 5:28, 29, 33)

“Mun monsotre rüne aune meyere, munkwe ñaka ngra ngra monsotre munkwe yebiti, ñakare aune munkwe töi ükate aune tötika jankunu Jehová kukwei yebiti.”

(Efesios 6:4)

MERITRE GURE

“Meri gure rabadre muko kwe ye mike ütiäte krubäte jai.”

(Efesios 5:33)

“Mun merire gure, munkwe mun muko mika ütiäte jai, kwin ni Däkien kräke ye kwrere.”

(Colosenses 3:18)

MONSOTRE

“Monsotre, munkwe mun rün aune mun meye ye mika täte ñobätä ñan aune ye kwin krubäte ni Däkien kräke: ‘Mäkwe mä rün aune mä meye mika ütiäte jai’; ye abokän kukwe biani kena nuaindre: ‘Ne kwe kukwe kwin rabadre bare mä kräke aune mäkwe nünandre raire kä tibienbätä’.”

(Efesios 6:1-3)

“Monsotre, munkwe mun rün aune mun meye mika täte kukwe jökrä känti, ñobätä ñan aune ne käita nemen nuäre krubäte ni Däkien yebätä.”

(Colosenses 3:20)