KUKWE JA TÖTIKARA 4

Kukwe ütiäte niedre texto känenkri

Mateo 22:41-45

KUKWE MIKATA GARE: Mä jämi ñäke textobätä ye känenkri mäkwe nitre töi mika kukwe yebätä.

Mäkwe töbika ñobätä mäbike ñäke texto yebätä. Mä jämi ñäkebätä ye känenkri, kukwe medenbätä mä tö nitre tuai töbike ye mäkwe mika gare ietre.

Kukwe nieta textobätä ye nirekwe niebare, nirekwe kukwe ye tikani, dre nieta texto ye känenkri aune texto ye bitikäre ye mäkwe mika gare kwin jai.
Mäkwe kukwe mika gare Bibliabiti. Nitre tä Ngöbö mike era jai ie mätä kukwe mike gare ngwane, Biblia ye Ngöbö Kukwei ye mäkwe mika gare metre ietre, yebiti mäkwe bämikai Ngöbö bäri töbätä ni ngwä.
Mäkwe nitre töi mika texto mike nüke gare jai. Kukwe ruäre ngwantarita ye texto raba mike gare, raba ni dimike ja tuin kukwe meden ben o kukwe yebiti ni raba ja jie ngwen ño yebätä mäkwe nitre mika töbike.

Kukwe kädrieta aune texto yebätä kukwe meden niena gare nitre ie ye mäkwe ngwan törö jai. Texto ye niena gare nitre ie akwa mäkwe kukwe mada dianka mikakäre gare bäri kwin niaratre dimikakäre kukwe ye mike nüke gare jai.