KUKWE JA TÖTIKARA 13
Kukwe mikadre ño täte ye driedre
Proverbios 3:21
KUKWE MIKATA GARE: Mätä kukwe niere ye ñobätä ütiäte nitre kräke ye mäkwe niaratre dimika mike nüke gare jai aune niaratre rabadre dre nuainne ye mäkwe mika gare ietre.
NUAINDRE ÑO:
Töbike nitre mä kukwe nuaka yebätä. Mäkwe dre niedi ye ñobätä nitre rabadre kukwe nuin yebätä mäkwe töbika aune kukwe meden raba nemen bäri ütiäte kräketre ye mäkwe mika gare jai.
Nitre rabadre dre nuainne ye mäkwe mika gare ietre mätä kukwe kädriere ye ngwane. Kenanbe nememe mrä, nitre jökrä rabadre niere jai: “Kukwe ne ti kräke”. Mätä kukwe ütiäte driere ngwane, kukwe ye mikadre ño täte ye mäkwe mika gare nitre ie. Mäkwe nie metre.