KUKWE JA TÖTIKARA 1

Blita kömikadre kwin

Hechos 17:22

KUKWE MIKATA GARE: Mäkwe kukwe niedre blita kömikakäre ye nitre mikadre töbike, drebätä mäkwe blitai bentre aune ñobätä kukwe ye ütiäte kräketre ye rükadre gare ietre.

NUAINDRE ÑO:

Mäkwe nitre mika töbike. Kukwe ngwantarita, kukwe niebare, kukwe namani bare metre o kukweta nakainkä ye mäkwe dianka keteiti nitre töi mikakäre kukwe mike gare jai.

Kukwe tuin ütiäte nitre ie o dre tä niaratre töi nike yebätä mäkwe töbika kwin käne aune ye ererebätä mäkwe blita kömika.
Drebätä blitabike ye mäkwe mika gare metre. Mäkwe blita kömikadre ngwane, drebätä mäkwe blitai aune ñokäre mäkwe kukwe ye mikai gare ye rabadre gare kwin nitre ie.
Ñobätä kukwe ye ütiäte ye mäkwe bämika. Nitre tä dre ribere jai ye ererebätä mäkwe kukwe mika gare ietre. Mäkwe kukwe mikai gare ye raba niaratre dimike ño ye rükadre gare kwin ietre.

Mätä ja kite kukwe kädriekäre ngwane, mäkwe kukwe ne ngwantari jai: “Konkrekasion te tita, ¿yete ja mräkätre tä ja tuin kukwe meden meden ben?”. Biti, kukwe ye ererebätä mäkwe kukwe kädrie.