KANTIKO 151
Jehovakwe käräita
(Job 14:13-15)
1. Muta ye tä niken drekebe ta
ye kwrere nita nüne.
Ni mräkä ye tä krüte ye ngwane,
ni okwä ñöi ye tä nen.
¿Ñongwane mada ni blitaita ben?
Ni Rün kri Jehová ne nuain:
(BOBUKÄRE)
“Tikwe nitre ye käräita.
Nitre ye rükaita krö.
Ti tö niaratre tuaita.
Kukwe kwin ye tä ja ken”.
Nikwe ni mräkätre tuaita.
Nikwe kai kisebiti.
Nikwe nünainta bentre
käre kä bä nuäre te.
2. Jehová ye tö ja ketamuko kwe
ye tuai nüketa nire.
Töi kwinbiti ni ye gaikröta kwe
nünankrä kärekäre.
Kä bä nuäre te ni täi gwairebe.
Kä mrä te ja kwainta nie.
(BOBUKÄRE)
“Tikwe nitre ye käräita.
Nitre ye rükaita krö.
Ti tö niaratre tuaita.
Kukwe kwin ye tä ja ken”.
Nikwe ni mräkätre tuaita.
Nikwe kai kisebiti.
Nikwe nünainta bentre
käre kä bä nuäre te.
(Juan 6:40; 11:11, 43; Sant. 4:14; mika raba ñärärä).