KUKWE JA TÖTIKARA 12

Blitadre jäme

1 Tesalonicenses 2:7, 8

KUKWE MIKATA GARE: Mäkwe blita ja brukwä tätebiti aune mä töita nitrebätä ye mäkwe bämika.

Nitre mä kukwe nuaka yebätä töbike. Mäkwe ja brukwä ükate ne kwe nitre tä ja tuin kukwe ño ben aune ye köböite ja nemen ruin ño ietre ye rükadre gare mäi.
Kukwe meden meden niedi mäkwe yebätä töbike. Mäkwe kukwe niedre nitre dimikakäre, töi mikakäre jäme aune mikakäre dite. Kukwe raba nitre mike rubun ye mäkwe ñaka nie. Mäkwe ñaka blita blo nitre ñaka Jehová mike täte aune kukwe mikata täte kwetre yebätä.
Mä töita nitrebätä ye mäkwe bämika. Mäkwe blita jäme aune kä mika jäme ja ngwärebätä. Mätä dre bämike yebätä mäkwe töbika. Ruäre ngwane mäkwe kä mika kötare ja ngwärebätä.

Mätä blite o ñäke täräbätä ngwane, kukwe niebare ño ye ererebätä mäkwe ja kukwei mika akwa mäkwe ñaka nuain nitre töi mikakäre mätä ja kukwei mike ño yebätä. Mäkwe blita töi jämebiti aune bökän ne kwe nitre törbadre kukwe kädrieta mäkwe ye kukwe nuian.