Dre raba mä dimike kukwe mike gare bäri jai kukwe ja tötikara yekänti
Mäkwe ja tötika täräkwata nebätä ni testiko Jehovakwe ben. Yekäre, nirekwe täräkwata biani mäi ye ie mäkwe ja tötika kärä o mäkwe kärä sitio Internet jw.org yete.
KENA
Mäkwe ñäkä párrafo jökräbätä. Kukwe meden mika tö gare ye kukwe ngwantarita (A) aune texto jükani drüne (B) tä mike gare. Texto mada abokän känti ñäkädrebätä nieta.
KETEBU
Drebätä ja tötikai ye mikata gare párrafo kena (C) sección “Ja tötike bäri nguseta” yekänti. Kukwe meden mika tö gare ye subtítulo (D) tä mike gare. Mäkwe ñäkä texto yebätä, kukwe ngwantarita ye mäkwe mika gare aune mäkwe video tua (E).
Mäkwe jondron üai mika ñärärä kwin aune kukwe mikata garebätä ye mäkwe mika gare jai (F). Nitre ruäre tä dre niere ye mä raba mike gare ño yebätä mäkwe töbika (G).
KETAMÄ
“¿Dre nibi gare mäi?” aune “Ngwankäreta törö” (H) nieta yekänti kukwe ja tötikara mikata krüte. Kukwe ja tötikara krüta ngwane, mäkwe fecha tika. Recuadro “Mäkwe kukwe ne nuain” (I) yekänti kukwe niedi mäi nuainkäre o mä dimikakäre ja tötike bäri. Sección “Kukwe mike gare bäri jai” (J) yekänti video o kukwe mada kwain mäi ñäkäkärebätä o tuakäre.
Texto Bibliabätä känändre ño
Texto känänkäre, tärä Bibliabätä (A), kapitulo (B), aune bersikulo (C) ye mikata gare. Ñodre, Juan 17:3 ye abokän Juan, kapitulo 17, bersikulo 3.