Kukwe kena sección 1

Jondron sribebare abokän tuin nie yebätä Biblia tä kukwe mike gare, jondron kä kwinbätä aune jondron tä kä tibienbätä Jehovakwe sribebare bä nuäre krubäte yebätä tä blite. Monsotre tärä mäkwe angwane, mäkwe niaratre dimika jondron bätäkä ngwarbe sribebare ye mike ütiäte jai. Ni kä tibienbätä ye Jehovakwe sribebare bäri ütiäte jondron nire ye kräke, ñodre ni raba blite, töbike, jondron keta kabre nuainne, kantare, orare ye mäkwe kädekate ietre. Jehová dite aune töbätä krubäte ye mäkwe monsotre dimika mike nüke gare jai, Jehová jondron sribebare ye tare kwe aune ni itire itire ye tare kwe arato.