Ani ja dimike kwärikwäri

1. Ja dimikadre kwärikwäri

ja ngwankrä metre ni Rün ie.

Ni täi ja dimike ye ngwane,

ni jökrä täi keteitibe.

Ja tare nikwe ye köböire

ni tö kä ngwandi nüke jai.

Konkrekasion Ngöbökwe yete

Jehová ye tö ni kriemikai.

2. Ja ketamuko tare nikwe

tä kukwe kwin ye niere nie.

Ni töi mikata jäme kwetre,

ja di ye bianta kwetre nie.

Sribidre ja mräkätre yebe

ye käita juto nibätä.

Ni töita käre juto biare

niaratre dimikabätä.

3. Köbö Jehovakwe tä känime

ye niena gare metre nie.

Ni ñan gätä ye juain ja bäre

ja ngwankrä mokre nengwane.

Ni ja taredre kwärikwäri

ni Rün Jehová töi nuainkäre.

Ni tädre käre ja ngwen metre

Jehová Ngöbö kri nikwe ie.