KANTIKO 137
Meritre ja ngwanka metre Jehovai
Täräkwatare
(Romanos 16:2)
1. Sara, Rebeca, Rut, Ester, María...
yekwe ja ngwanbare metre Rün kri ie.
Käre niaratre tödekani Jehovai.
Nämenentre ja töi ye ükete kwin.
Kukwe kwin ye bämikani kwetre,
tö ngwanbare kwetre, Biblia tä driere nie.
2. Nitre merire tä konkrekasionte
tä ja töi mike mantiame aune kwin.
Tä tödeke Jehovai aune tö ngwen ie.
Tätre kukwe kwin ükete nuaindre jai.
Yebätä niaratre tare nikwe.
Tätre ja ngwen metre ye tuin ütiäte nie.
3. Nun meye o nun ngängän o nun muko,
mun tuin ütiäte Jehová ie aune nuen.
Konkrekasionte munta sribire kwin.
Ni Rün kri Jehová tä mun kain ngäbiti.
Niara käre tä mun ye tarere
aune niara käkwe ja nire biandi muen.
(Filip. 4:3; 1 Tim. 2:9, 10; 1 Ped. 3:4, 5; mika raba ñärärä).