Kukwe metre tare nikwe abokän ni tö driedi

Kukwe metre driedi nitre brukwä kwin ie ngwane, rükai gare ietre niebare Jesukwe (Juan 10:​4, 27). Yebätä ni tö kukwe metre Bibliabätä driedi nuäre nitre jökrä ie. Ni raba kömike ne kwrere: kukwe metre niedre keteiti, biti ni raba ngwentari: “¿Ye gare mäi?” o “¿Kukwe ne kädrie tärä mä olote ya?”. Biti, texto meden tä kukwe ye mike gare kwin yebätä ñäke. Kukwe metre drieta nuäre nitre ie ye abokän nura nökata ye kwrere niaratre brukwäte. Aune Ngöbö raba mike nirien (1 Cor. 3:​6, 7).

• Kä ja känenkäre

• Ni ja mräkäre

• Ngöbö

• Orasion

• Jesús

• Gobran Ngöbökwe

• Ja tare nikata

• Gata

• Nänta kukwebätä

KÄ JA KÄNENKÄRE

1. 1. Kukwe tare tä nakainkä aune nitre tä ja ngwen käme, ye tä mike gare kukwe kwin kebera nemen bare (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Kä tibien ñaka juain ngwarbe (Sal. 104:5; Ecl. 1:4).

3. 3. Kä ñan rabai käme aune ngire krubäte, ñakare aune kä kwitai bä nuäre (Is. 35:​1, 2; Apoc. 11:18).

4. 4. Ni jökrä täi kwin, bren ñaka rabaira (Is. 33:24; 35:​5, 6).

5. 5. Mä raba nüne kärekäre kä tibienbätä (Sal. 37:29; Mat. 5:5).

NI JA MRÄKÄRE

1. 6. Brare gure rabadre muko kwe tarere tä “ja tarere ye kwrere” (Efes. 5:​33, TNM; Col. 3:19).

2. 7. Meri gure rabadre muko kwe mike ütiäte jai (Efes. 5:33; Col. 3:18).

3. 8. Brare aune meri gure rabadre ja ngwen metre jai kwärikwäri (Mal. 2:16; Mat. 19:​4-6, 9; Heb. 13:4).

4. 9. Ngäbäkre tä rün bätä meye mike täte aune mike ütiäte jai ngwane, kukwe kwin tä nemen kwe (Prov. 1:​8, 9; Efes. 6:​1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

NGÖBÖ

1. 10. Ngöbö ye kä tärä (Sal. 83:18; Jer. 10:10).

2. 11. Ngöbö tö kukwe ütiäte mikai gare nie (2 Tim. 3:​16, 17; 2 Ped. 1:​20, 21).

3. 12. Ngöbö ñaka ni kitete (Deut. 10:17; Hech. 10:​34, 35).

4. 13. Ngöbö tö ni dimikai (Sal. 46:1; 145:​18, 19).

ORASION

1. 14. Ngöbö tö ni tuai blite ben (Sal. 62:8; 65:2; 1 Ped. 5:7).

2. 15. Blitadre ño Ngöböbe ye Biblia tä driere nie (Mat. 6:​7-13; Luc. 11:​1-4).

3. 16. Nikwe blitadre käre Ngöböbe (Mat. 7:​7, 8; 1 Tes. 5:17).

JESÚS

1. 17. Jesús ye dirikä kri aune kukwe driebare kwe ye tä ni dimike krubäte nengwane (Mat. 6:​14, 15, 34; 7:12).

2. 18. Kukweta nakainkä ni okwäbiti ye rabai bare niebare Jesukwe (Mat. 24:​3, 7, 8, 14; Luc. 21:​10, 11).

3. 19. Jesús ye Ngöbö Odei, Monsoi o Ngobo (Mat. 16:16; Juan 3:16; 1 Juan 4:15).

4. 20. Jesús ye ñan Ngöbö (Juan 14:28; 1 Cor. 11:3).

Based on NASA/Visible Earth imagery

GOBRAN NGÖBÖKWE

1. 21. Gobran Ngöbökwe ye gobran metre tä kä kwinbiti (Dan. 2:44; 7:​13, 14; Mat. 6:​9, 10; Apoc. 11:15).

2. 22. Gobran Ngöbökwe rabai gobrantre kä nebätä ye täte (Sal. 2:​7-9; Dan. 2:44).

3. 23. Gobran Ngöbökwe aibe raba ni mike nüne bäri kwin (Sal. 37:​10, 11; 46:9; Is. 65:​21-23).

JA TARE NIKATA

1. 24. Nita ja tare nike ye ñan Ngöbö köböite (Deut. 32:4; Sant. 1:13).

2. 25. Satana tä kä ne gobraine (Luc. 4:​5, 6; 1 Juan 5:19).

3. 26. Mätä ja tare nike ye tuin Ngöböi aune tö mä dimikai (Sal. 34:​17-19; Is. 41:​10, 13).

4. 27. Ngöbö kebera ja tare nika ye denkä (Is. 65:17; Apoc. 21:​3, 4).

GATA

1. 28. Ni krütanina ye töi ñan niena, kä ñan ruin ie aune ñan tä ja tare nike (Ecl. 9:5; Juan 11:​11-14).

2. 29. Ni krütanina ye ñan raba ni dimike aune ñan raba ni nuainne tare (Sal. 146:4; Ecl. 9:​6, 10).

3. 30. Ni krütanina nikän ye rükaita nire (Job 14:​13-15; Juan 5:​28, 29; Hech. 24:15).

4. 31. “Gata ñaka rabaira” (Apoc. 21:​3, 4, TNM; Is. 25:8).

NÄNTA KUKWEBÄTÄ

1. 32. Ngöbö ñaka religión jökrä kain ngäbiti (Jer. 7:11; Mat. 7:​13, 14, 21-23).

2. 33. Ni ja bämikaka jerekäbe o ni bikaka kwin ye kräke Ngöbö brukwä (Is. 29:13; Miq. 3:11; Mar. 7:​6-8).

3. 34. Ja tareta kwärikwäri ye tä religión metre mike gare (Miq. 4:3; Juan 13:​34, 35).