¿Ñobätä mäkwe kukwe Bibliabätä mikadre gare jai?

Nitre jökrä bäsi tö Biblia ye tuai jakwe tärä mada yebiti ta. ¿Ñobätä? Ñobätä ñan aune kukwe nietabätä ye erere tärä nemen bare nibätä aune nitre nünanbare kirabe yebätä tä blite bätä nitre ye nämene ni mada aune Ngöbö mike tuin ño jai ye kädrietabätä arato. Kukwe kädrietabätä ye ütiäte ja töi kräke nie. Kukwe nuäre aune metre ta yebiti tikani abokän kwita raba kukwe keta kabre jene jenebiti, ne kwe nitre nünanka kä jökräbiti tibien aune nitre kirabe bätä nitre ni näire jökrä ie raba nüke gare. Ne madakäre, kukwe ja jie ngwankäre nietabätä ye käre ütiäte.

Bibliabätä mikata gare tärä ye tä blite Ngöböbätä, akwa bäri ütiäte tärä ye Ngöbökwe. Ngöbö kä ño, töi ño aune Kä tibien aune ni sribebare kwe ye ngwane töi nämene ño yebätä ñaka ja töi kwite ye mikata garebätä. Kirabe nitre blo tätre ja mike nitre kwin ye rüere kädrietabätä. Tä blite nitre üaire kä kwinbiti bätä nitre kä tibienbätä yebätä aune ye tä ni mike töi ñan krütare. Aune mrä kukwe ye köböire nünain kä jutobiti nietabätä arato. Ñäkädre töi bökänbiti Bibliabätä ye ni dimikai tödeke aune tö ngwen.

Kukwe nieta Bibliabätä ye ñaka raba kwen nie tärä madabätä. Ñodre, kukwe nieta jatäri nebätä tä kukwe metre mike gare nie:

• Ñokänti ni nükani aune ñobätä nita ja tare nike

• Ngöbökwe dre nuainbare ni kä tibienbätä mikakäre kwäre

• Jesukwe dre nuainbare ni kräke

• Dreta ja känenkäre Kä tibien aune ni kräke

Kukwe kädrieta jatäri nebätä mä raba ñäke ne kwe kukwe meden kädrieta Bibliabätä ye rabadre gare mäi.