Kukwe mikata gare ni ñäkäkä kräke

Ti mräkä ñäkäkä tärä nebätä

Täräkwata Ni Mikaka Mokre nebätä kukwe ketarike bätä blitai abokän tä blite kukwe keteiti ütiätebätä:

• Kena tä blite, Jehovakwe ni tare yebätä dre nuainbare kwe ne kwe ñaka ja di ngwandre nekä aune kukwe kwin ribeta kwe ye erere nikwe nuaindre yebätä.

• Ketebu, ja töi kwitadre aune kukwe blo tuadremetre bökän ye dre gärätä aune Jehovakwe nitre dimikanina ño ja töi kwite aune kukwe blo tuenmetre ye rabai gare nie.

• Ketamä, ni iti ja mikani ngite krubäte aune ñan ja töi kwitani kwe kukwe blo yebätä ngwane, konkrekasion Corinto käkwe dre nuaindre ye Jehovakwe mikani gare ietre.

• Ketabokä, ni iti tä ja mike ngite krubäte ye ngwane, nitre umbre ji ngwanka konkrekasionte rabadre dre nuainne ye mikata gare.

• Ketarikekäre, nitre umbre aune nitre mada mada konkrekasionte ye raba dre nuainne ne kwe tädre jankunu ja tare bämike ni iti dianinkä mento kukwebätä yei aune ja töi mike bobre kräketre.