¿Nitre testiko Jehovakwe tä sribire Ngöbö kräke ye ütiä bianta ngwian ñobiti?

Sribi Ngöbökwe nuaita kä jökräbiti tibien ye ütiä bianta, ni testiko Jehovakwe tä ngwian bien ja töi jeñebiti yebiti.a Ngwian bianta ne, bian raba caja tä mikani ju ja ükarakrö te yete o bian raba jene mikata gare sitio internet jw.org donaciones ye erere. Ni tö ngwian bian sribi kä jökräbiti ye kräke o ju ja ükarakrö ye kräke o ketebu ye kräke ye tä gare ni ngwian bianka yei.

Ni testiko Jehovakwe rabadre ngwian bien nuäi ye ñan ükaninte. Ñaka rabadre diezmo o tä ganane nuäi ye ererebätä ngwian bien (2 Corintios 9:7). Gätä nunkwe yete ngwian ükakrö ñaka aune nändre gätäte ye ütiä kärä ñaka. Ni Ngöbö kukwei driekä ye ñaka, ja ngöka ñöte, funeral, ja mäkäte aune kukwe mada nuainta ye ütiä kärere jire. Arato kukwe ne nuain ñaka jire: bingos o loterías, rifas, ferias o mrö ngwian ükakrökäre. Aune ngwian kärä ñaka ni madai. Nire tä ngwian bien ye kä mika ñaka gare (Mateo 6:2-4). Ne madakäre, pagina nunkwe yete anuncio ngwian ganainkäre ñaka.

Sö kratire kratire, kukwe mikata gare kwin yebätä konkrekasionte, aune ye ni jökrä raba tuin. Kä ruäre tä niken tä yete auditoría nuainte ne kwe ngwian yebiti sribita kwin ya ye mikakäre gare jai(2 Corintios 8:20, 21).

Donacione ye nuain raba ño

• Caja ngwian mikakäre: Ngwian bianta mÄkwe ye mä raba mike chequere o ngwiane caja ngwian mikakäre tä ju ja ükarakrö, ju gätä kri nuainkäre o ju mada känti nunta gätäre yete.

• Donaciones en línea: Juta keta kabre te página “Donar a los testigos de Jehová” yebiti ngwian bian raba tarjeta de crédito o débito yebiti, transferencia bancaria o kukwe mada electrónicos yebiti.b Nitre testiko ruäre tä ja töi mike ngwian dekä chi jenena bämän kratire kratire, aisete biandi nuäi kwetre ye tä programare automático, kukwe kädrite jatäri käne yebiti (1 Corintios 16:2).

  

• Donaciones planificadas: Ngwian biandre ruäre ye kräke kukwe ükadrete aune asesoría legal ribeta. Ye köböire beneficios fiscales juta mäkwe te yebiti mä raba nuainne bäri kwin. Nitre kwati tä kukwe mike gare jai donaciones benéfica yebätä ye köböire raba nuainne ño aune krütai ngwane raba nuainne arato ye tä nemen gare ietre. Mä tö ngwian bian kukwe nieta jatäri ne ererebiti ngwane mä raba blite Sukursal tä no mä käite yete ben:

  • cuentas bancarias

  • seguros aune planes de jubilación

  • bienes raíces

  • acciones aune bonos

  • testamentos aune fideicomisos

Mä tö kukwe mikai gare bäri jai, mä raba ngwian bien ño mätä nüne yekänti yebätä ngwane, mä raba página“Donar a los testigos de Jehová” yete kukwe mike gare bäri jai.