Byoshi Bilerherwe n’Okumwemwesa!

BANYERE babiri baliri bachilambagiza omu kartiye k’okuguzizamo omu Vile ye Baguio, Philippines. Babona eprezantware y’Abahamirizi, aliko barhayiyegeraga. Mwali-werhu Helen oli kw’eyola prezantware, abalola k’okumwemwesa bwenene. Abola banyere bagenderera n’enjira yabo, aliko basima okubona gurhe Helen alimwemweseze n’obusime.

Enyuma w’ahola, abola banyere bombi eyi baligaluka eka bali omu mutugari, babona echipankarde chiyandikirwe ku jw.org chili oku Chumbi ly’Obwami. Bayibuka okw’eyola myandiko yen’eyola yibabonaga oku prezantware y’Abahamirizi. Bava barhenga omu mutugari n’okulola esa z’embuganano za buli chibaga ziyandikirwe oku mulyango g’olupango lw’Echumbi ly’Obwami.

Abola banyere bombi bagera oku buganano zakulikiraga ho. Bichi balijire babona amango baliri omu Chumbi ly’Obwami? Babona Helen! Bayibuka han’ahola oku y’olala muntu wamwemwesaga bwenene. Helen aderhere ntya: “Amango banyegeraga, nayunva obuba. Naliwazize oku nkabaga hali echintu chibi najirire.” Aliko abola banyere bombi bafasiriya Helen gurhe byaliri.

Abola banyere bombi basima bwenene embuganano banaliri bachiyunva nka bali emwababo. Amango babonaga abandi bamahwanza kuhyagira Echumbi ly’Obwami enyuma w’embuganano, babazabo akaba bakabagwasa. Muguma mw’abola banyere arhengere omu Philippines, n’owindi ahwanza kuja oku mbuganano anarhondera kuyiga Ebiblia. Ebyola byoshi, bilerherwe n’okumwemwesa!