Lonza Obuhirhi b’omu Chinwa cha Mungu Wakakolesa

Amango rhuli rhwasoma Ebiblia, rhwakapata obuhirhi bw’ekiroho omu kulonza emyazi rhwakakolesa. Bobola, gurhe rhwakajira yirhupata nyungu zinene?

Humba bwenene emyazi omu ngani ze Biblia. Omufano, olonze nde wayandikaga eyola ngani, ayiyandikiraga nde na mangochi ayiyandikaga. Hali nyabachi alirimo, bichi byaligerere embere changwa enyuma w’okuyiyandika?

Olole bichi byakuyigirize omu kuchibaza ebibazo bili nk’ebila: ‘Gurhe abantu baganirirwe mw’eyila ngani baliri bachiyunva? Ngeso zihe baliri bayerekana? Bulagurhe bimpemere kuyiganya engeso zabo changwa kurhaziyiganya?’

Okolese amahano wayigire, nkabaga amango oli omu kasi k’amahubiri changwa amango oli n’abandi bantu. Omu kujira ntyo, wagwarha obwengehe, nk’okwe Biblia ederhere: “Oli mwengehe asuzuma ebila bintu.”—Zb. 107:43.

• Ehano: Okumenya gurhe enyigirizo rhunapata oku mbuganano y’ahagarhi k’eboso omu chigabi Obuchire b’omu Chinwa cha Mungu zinarhurhabala kukolesa ebirhwayigire. Echola chigabi chijira ebibazo rhwakachibaza rhwenyine, ebi rhwakakengerako, n’efoto rhwakaganirako.