SOMO LYA 21

Ebeteli bye Bichi?

Bahamirizi babiri ba Yehova bali bakolera oku chigabi chiyimangire eby’okuchora oku Beteli — Echigabi chiyimangire eby’Okuchora, Echihugo che Amerike

Muhamirizi muguma wa Yehova ali akolera ahantu h’okuchapisiza ebitabu oku Beteli ye Alemanye — Alemanye

Muhamirizi muguma wa Yehova ali akolera ahantu h’okumeshera oku Beteli ye Kenya — Ekenya

Bene berhu banaha abantu ebilyo yi barheganya ameza omu chumbi ly’okulira mo oku Beteli ye Kolombi — Kolombi

Omu Chiebraniya, echinwa Beteli chiderhere “Enju ya Mungu.” (Mwanzo 28:17, 19, amahugulo m’eshishi) Elyola zino likwanene omu kuderha Enju z’amabiro Abahamirizi ba Yehova banakolesa omu gulu lyoshi omu kurongoza n’okurhabala akasi k’okuhubiri kagenderere. Ebaraza lirhambwire linakolera oku biro byerhu bikulu omu New York, Chihugo che Amerike. Bene berhu be Baraza Lirhambwire bayimangire orhwasi rhunakolwa oku mabiro m’omurhabi mu bihugo binene; s’aliko bowe bali oku biro byerhu bikulu. Abakolera kw’amola ma biro, boshi bahamagalwa mulala gwe Beteli. Kuguma n’omulala, balama haguma, bakolera haguma, balira haguma, n’okuyiga Ebiblia haguma omu buguma.—Zaburi 133:1.

Hali hantu hachishushire ah’abantu b’omulala gwe Beteli bachihanira oku bulonza. Ku buli Beteli, kuba abalume n’abakazi b’echikristu bachihanire bwenene omu kujira obulonza bwa Mungu n’okukolera enyungu z’Obwami oku bisanzi byoshi. (Matayo 6:33) Nta muntu okamarha, s’aliko boshi bahabwa ebilyo, ah’okulyama, n’oburhabale bugeke bw’okubalipira orhwindi rhuntu rhwabo rhw’akamaro. Oku Beteli, buli muntu ajira akasi anakola; baguma banakolera omu ma biro, abandi banakolera omu mafiga, changwa ahantu h’okulira. Abandi banakolera ah’okuchapisiza ebitabu, changwa ah’okuhirira ebiganda oku bitabu, ah’okumeshera emyambaro, n’abandi banakola akasi k’obusafi, akasi k’okukwiza ebintu biharibikire, n’orhwindi rhwasi.

Hali hantu hanakolerwa rhwasi rhunene omu kurhabala akasi k’okuhubiri Obwami kagenderere. Omuhigo gukulu gwa buli Beteli kuli kurhabala abantu banene nk’oku byakashobokana bayige okuli kwe Biblia. Rhurhole omufano gwa kanola katabu: Kayandikwaga eshishi y’obwimangizi bwe baraza lirhambwire, yarhumwa omu njira y’echielektronika oku bigusho binene by’abatafusiri omu gulu lyoshi, yachapiswa n’amashini manachapa ebitabu juba-juba omu ma Beteli manene. Nantyo, yarhumwa omu bibaga birhalwise 120 000. Omulala gwe Beteli gunarhabala m’orhola rhwasi rhoshi omu kurhabala akasi k’akamaro kulusha orhwindi rhwasi, k’okuderha, akasi k’okuhubiri omwazi gwinja.—Marko 13:10.

Bande banakola oku Beteli, banakamarha si?
Akasi kanakolwa ku buli Beteli kaherhe omuhigo g’okugendereza kasi kahe k’akamaro bwenene?