SOMO LYA 49
Nka Gurhe Omulala Gwawe Gwakagwarha Obusime?—Chigabi cha 1
Abahya banawaza k’obusime banagwarha olusiku lwabo l’obuhya bwagenderera esiku zoshi. Byakanashobokana. Abakristu bamalegama bashabene banachihanganire kukolesa empanulo ze Biblia, bamenyere oku byakashobokana.
1. Mpanulo zichi Ebiblia ehere abalume?
Yehova ajirire omulume ye bage rhwe ly’omulala. (Osome Waefeso 5:23.) Yehova alonzeze omulume ayinje arhola esimikiro oku bunguke b’omulala. Ebiblia ehanwire abalume: “Mugenderere kusima bak’enyu.” (Waefeso 5:25) K’okuderha gurhe? Omulume ozigiire mukage, anamukolera oku bwinja, babe bali bonyine changwa bali embere z’abandi bantu. Anachihangana yi mukage ayorha omu bulanzi, achiyunve asimirwe, n’okumuhahira eby’akenere. (1 Timoteo 5:8) N’echakamaro bwenene, anashishikakala ehali yage y’ekiroho. (Matayo 4:4) Omufano, akasalira n’okusoma Ebiblia haguma na mukage. Amango omulume yashishikala mukage oku buzigire, anakomeza obwira bwage haguma na Yehova.—Osome 1 Petro 3:7.
2. Mpanulo zihe Ebiblia ehere abakazi?
Echinwa cha Mungu chiderhere k’omukazi “akwanene kuyerek’eba obukenge bunene bwenene.” (Waefeso 5:33) Nka gurhe akajira ntyo? Akayinja awaza oku ngeso zinja z’eba n’okuntu ali achihangana kubashishikala yewe n’abana. Akashuba yerekana obukenge omu kuyemera esimikiro eba arholere, omu kuganira naye n’obukenge, n’okumuderha bwinja; chiro akaba arhali Muhamirizi.
3. Nka gurhe abashabene bakakomeza obuhya bwabo?
Ebiblia ederhere ntya oku bilolere abashabene: “Bombi baba mubiri muguma.” (Matayo 19:5) K’okuderha oku bakwanene kulwisa bwenene buli choshi chakarhuma baba eyi barhachiyunvikene. Bakajira ntyo omu kuyinja bageza ebisanzi haguma, omu kubwirana gurhe bachiyunvirhe buzira kubisha, n’amawazo baherhe aliko oku buzigire. Barhakwanene kuyemera echintu awo omuntu yeshi yeshi; olekere Yehova, aba w’akamaro kulusha nyabana. Banachilanga ahanene barhazinda eyi bajirire obwira burhakwanene haguma n’owindi muntu.
HUMBA BWENENE
Lola gurhe amakanuni me Biblia makakomeza obuhya bwenyu.
4. Balume—muzigire munashishikale bakenyu
Ebiblia ederhere oku “abalume bakwanene kusima bakabo nka mibiri yabo bonyine.” (Waefeso 5:28, 29) K’okuderha gurhe? Ziha EVIDEO, muje mwaganira kw’echila chibazo.
Mu njira zihe ziguma omulume akayerekanamo kw’asimire mukage anamulagireko?
Osome Wakolosai 3:12, muje mwaganira kw’echila chibazo:
Nka gurhe omulume akayerekana engeso ziganirwe m’olula lwandiko omu buhya bwage?
5. Bakazi—muzigire munakenge abalume benyu
Ebiblia ebwirire omukazi akeng’eba, abe ali akolera Yehova changwa nanga. Osome 1 Petro 3:1, 2, muje mwaganira kw’ebila bibazo:
Akaba balo arhali Mukristu, kweri wakasima arhondere kukolera Yehova. Bichi owazize byakamurhabala bwenene; okumuhubiri buli lusiku; changwa si ey’okuba mukazi mwinja, mwirhonzi, w’obukenge? Bulagurhe?
Omulume na mukage bakarhola esimikiro zinja haguma. Aliko byakagera amango omukazi aba eyi arhasimire eby’eba achishogere kujira. Akaderha amawazo mage oku bwironzi n’obukenge, aliko anaba ey’amenyere oku Yehova ahere omulume akasi k’okuchishoga ebyakaba binja oku mulala gwage. Akwanene achihangane kugwasana n’eba omu by’achishogere. Omu kujira ntyo anarhabala omu kuntu obusime bube omu mulala gwage. Osome 1 Petro 3:3-5, muje mwaganira kw’echila chibazo:
Gurhe Yehova anachiyunva amango omukazi amayereka eba obukenge?
6. Mwakahima ebibazo omu buhya bwenyu
Nta buhya bubaho bushinganene. Che chirhumire abashabene bakwanene kukola haguma bwenene yi bahima ebibazo. Ziha EVIDEO, muje mwaganira kw’ebila bibazo.
Mw’eyila video, bichi biyerekene k’oyu mulume na mukage barhalichiyunvikene?
Bichi balijirire yi bakomeza obunyumpa bwabo?
Osome 1 Wakorinto 10:24 na Wakolosai 3:13. N’enyuma w’okusoma buli lwandiko, muganire kw’echila chibazo:
Nka gurhe okukolesa akala kanuni kwakakomeza obuhya?
Ebiblia ederhere oku rhukwanene kuyerekana olukengo buli muguma n’owindi. Echola chiheberwe m’okukolera owinda oku bwinja n’obukenge. Osome Waroma 12:10, muje mwaganira kw’ebila bibazo:
Omulume ao omukazi akwanene kulindira owabo yerhangage kumukenga si? Akaba nanga, bulagurhe? N’akaba nechi, bulagurhe?
HALI ABANTU BANADERHA: “Nyono n’owerhu rhurhachiba rhuyunvikene nkoku rhwaliri burhanzi.”
Gurhe wakabafasiriya okuntu Ebiblia yakabarhabala?
OKU BUGEKE
Omulume na mukage bakagwarha omwishingo amango basimene, bakengene, n’okukolesa amakanuni me Biblia.
Rhuchiyibusye
Bichi omulume akajira y’agendereza obusime omu mulala gwage?
Bichi omukazi akwanene kujira y’agendereza obusime omu mulala gwage?
Akaba oli omu buhya, kanuni kahe ke Biblia kakarhabala kukomeza obunyumpa bwawe?
EYINDI MYAZI
Lola mahano maguma makakurhabala ogwarhe omulala guli m’obusime.
Olole evideo eyerekene emigisho okukolesa empanulo za Mungu kwakakulerhera omu buhya bwawe.
Lola okukenga akasi k’omulume k’okuyerekeza omulala k’okuderha gurhe.
Lola kangana gurhe empanulo ze Biblia zakarhabala omu buhya bwenyu.