Obwirhohye

Okuntu Paulo Alijirire

EVIDEO: Paulo Ali Ahubiri Mwami Agripa

1. Olole EVIDEO, changwa osome Matendo 26:2, 3. Oje wawaza oku bibazo bikulikireho:

1. Gurhe Paulo ayerekanaga obwirhohye omu kuntu aganiraga na Mwami Agripa?

2. Nka gurhe Paulo aliyerekeze obwenge bw’abantu ku Yehova n’oku mandiko s’arhali ku yewe yenyine?—Olole Matendo 26:22.

Bichi ogula mufano gwa Paulo gurhuyigirize?

2. Oburhumwa bwerhu bunasimisa abantu bwenene amango rhwamabuhaana n’obwirhohye n’obukenge.

Oyiganye Paulo

3. Oderhe n’obukenge. Orhayerekanaga nka woyo oyinji buli chintu, s’omunviriza wawe yewe ntacho ayinji. Oganire naye n’obukenge.

4. Oyerekane bwinja k’obukweri oli waderha burhengerere omu Biblia. Echinwa cha Mungu chiba mw’amawazo manahuma abantu oku murhima. Nka rhwamachikolesa eyi rhuli rhwayumbaka obwemere bwabo oku musinji gukwanene.

5. Oyorhe ochirhondere. Orhahanzikaga okaba nk’oli waseza omuntu ayemere okw’ebi waderhere b’obukweri. Rhurhalonzeze obuhaka, oyerekane obwirhonzi omu kusira n’okurhegera amango bihemere ogende. (Mez. 17:14; Tit. 3:2) Okushubiza n’obwirhonzi kwarhuma omuntu nj’ayemera oburhumwa bwerhu amandi mango.